Kanabis në repartin e Zall Herrit, Gjykata: Arrest me burg për tre ushtarakët 

Gjykata sot ka dhënë masën e sigurisë “arrest me burg” për tre ushtarakët e arrestuar pas zbulimit të parcelës së kanabisit në repartin ushtarak të Zall Herrit.

Masa arrest me burg është dhënë ndaj tre ushtarakëve që ishin arrestuar në flagrancë për shpërdorim të detyrës, ndryshe punonjës të repartit ushtarak:

– Gramoz Mullai, 52 vjeç, me detyrë Shef Seksioni i Sigurisë;

– Rustem Koçi, 25 vjeç, me detyrë Specialist për Zbulimin;

– Gentian Zhurda, 45 vjeç, me detyrë Specialist Sigurie.

Të tre ushatarakët akuzohen për shpërdorim detyre, ndërsa mësohet se ata nuk e kanë pranuar autorësinë e veprës penale duke pretenduar se sipërfaqja e repartit ushtarak është 140 hektarë tokë dhe ata e kanë pasur të pamundur për ta kontrolluar plotësisht.

Mësohet se 125 rrënjët e kanabisit janë zbuluar nga avioni i Guardia di Finanza që monitoron territorin shqiptar, zonë kjo që përdoret për stërvitjen 10 ditore të ushtarëve që bëhen pjesë e forcave komando. 

Ndryshe, me rastin e arrestimit të tre ushtarakëve u proceduan penalisht dhe katër shtetas të tjerë: A. J., 41 vjeç, me detyrë Specialist Infrasktrukture; P. H., 52 vjeç, me detyrë Zv/Komandant toge; I. D., 47 vjeç, me detyrë magazinier; P. D., 57 vjeç, me detyrë Komandant Reparti.