Kandidati konsensual LVV-LDK për President të Kosovës, Bekim Sejdiu
Bekim Sejdiu është kandidati konsensual i propozuar nga Lëvizja Vetëvendosje me Lidhjen Demokratike të Kosovës për President të Kosovës. Emri i tij u bë publik nga kryetari i LDK-së, Lumir Abdixhiku, pas takimit që zhvilloi me Kryetarin e LVV, Albin Kurti.
“Nga data 9 korrik kemi nisur dhe zhvilluar diskutimet. Kemi qenë të vendosur të gjejmë zgjidhje për të ecur përpara dhe të evitojmë zgjedhjet. Bisedimet nuk ishin të lehta, por ishin shteruese. Kemi pasur bisedime të vazhdueshme. Kemi qenë të përkushtuar për një emër konsensual. Janë përmendur shumë emra që kanë dhënë kontribut dhe që kanë vlera demokratike e qytetare. Gjatë diskutimeve tona jemi dakorduar për një emër, Bekim Sejdiu,” tha Kryetari i LDK-së, Lumir Abdixhiku, me rastin e publikimit të kandidatit konsensual për President të Kosovës.
“Kjo më bën mua të jem i nderuar. Është besim i madh dhe nder i madh. Unë e kam pranuar këtë propozim. Duke qenë i vetëdijshëm edhe me barrën që e sjell pozita e presidentit, jam vënë në shërbim të qytetarëve dhe shtetit tonë që të shërbej me devotshmëri. Procesi i zgjedhjes së presidentit ka një aspekt politik dhe procedurë kushtetuese në Kuvend,” tha sapo u s hpall kandidati konsensual për President të Kosovës, Bekim Sejdiu.
Ndryshe, Lëvizja Vetëvendosje me Lidhjen Demokratike të Kosovës arritën marrëveshje përfundimtare gjatë takimit të sotëm, dhe tashmë pritet konstituimi i Parlamentit, formimi i Qeverisë Kurti dhe votimi i kandidatit për President të Kosovës, Bekim Sejdiu.
