Kandidati për Kryetar i Korçës braktis bedelët: Tërhiqem nga gara për shkelje të integritetit dhe dinjitetit!
Paralajmërimi që u bë mbrëmbjen e së hënës nga Kandidati për Kryetar të Bashkisë Korçë, Gjergji Gjata, së bashku me 40 këshilltarët bashkiakë për partinë e Kryetarit Nënkryetar, sot u bë realitet!
“Ju informojmë se unë si kandidati për Kryetar i Bashkisë Korçë dhe 40 kandidatë për Këshillin Bashkiak, të partisë politike PDSh, tërhiqemi nga gara elektorale (në mënyrë të parevokueshme) për Zgjedhjet Vendore 2023, për mungesë të procedurave vendimmarrëse në organet drejtuese të PDSh lidhur me kandidimet, si dhe për shkelje të integritetit dhe dinjitetit të të gjithë kandidatëve, cenuar nga vendime personale dhe jo kolegjiale,” shprehet Gjergji Gjata duke uruar më të mirën për Korçën dhe suksese për kandidatët më të mirë në të gjithë vendin duke shtuar se procedurën zyrtare do e kryejnë sipas rregullave që parashikon ligji, pranë KQZ.
Ndryshe, kjo dorëheqje për shkelje të integritetit dhe dinjitetit të të gjithë kandidatëve të Korçës duke përfshirë dhe atë për të parin e qytetit, vjen në momentin kur Kryetari Nënkryetar së bashku me kandidatin për kryetar bashkie të Tiranës, po jepnin leksione morali pasi prezantuan kandidatët për këshilla bashkiak!
Kështu, rekordin prej 16 kandidatëve, partia e Kryetarit Nënkryetar e humbi vetëm pas 12 orëve dhe i mbetet KQZ të marrë vendimin për Bashkinë Korçë!
