Kapet në Kukës i shpalluri në kërkim prej 15 vitesh, ja kush është…

I dënuar në Norvegji me 10 vjet heqje lirie, i shpallur në kërkim prej 15 vitesh, arrestohet në Kukës.

Kjo i ka ndodhur shqiptarit nga Kosova Istref Tahirukaj, banues në Deçan, i shpallur në kërkim ndërkombëtar për trafik droge.

Arrestimi provizor u bë me qëllim ekstradimin e tij në shtetin norvegjez.

Gjykata e Borgating, Norvegji, me vendim Nr.03-01299M/03, më datë 12 dhjetor 2003, e ka dënuar me 10 vite burg, për veprën penale në fushën e narkotikëve.

Materialet për veprime të mëtejshme i kaluan Prokurorisë së Kukësit.