Keni bërë plane për plazh në fundjavë? Ja çfarë ju rezervon moti…

Mot i pafavorshëm për të gjithë ata që kanë plane për plazh sot dhe nesër.

IGJEUM parashikon që sot pritet të ketë reshje të dobëta në shumicën e qarqeve, përveç qarkut Korçë ku priten reshje mesatare, lokalisht deri intensive.

Në zona të kufizuara reshjet mund të jenë edhe në formë shtrëngate, më të mundshme në pjesët kodrinore-malore të qarqeve gjatë pasditeve dhe mbrëmjeve.

Ndërkohë Meteoalb, parashikon se vranësirat fuqizohen në pjesën e dytë të ditës duke sjellë shira afatshkurtër thuajse në të gjithë vendin të shtunë dhe kryesisht në zonat Lindore ditën e dielë.

Parashikimi i Meteoalb

MOTI në fundjavë: Fundjava mbetet me kthjellime dhe vranësira gjatë orëve të paradites por vranësirat fuqizohen në pjesën e dytë të ditës duke sjellë shira afatshkurtër thuajse në të gjithë vendin të shtunë dhe kryesisht në zonat Lindore ditën e dielë.

Fundjava sjell rritje graduale të temperaturave duke ngjitur maksimumin në 32°C.