Kërcënimet e Kryeministrit/ Shqiptarë mos u shqetësoni, Edi Rama gënjen!
Shqiptarët u shqetësuan së fundi nga kërcënimet e Kryeministrit Edi Rama se nuk do të mbështet ato bashki ku fiton opozita, por realiteti në terren e përgënjeshtron vetë Kryeministrin!
Në krye të Bashkisë Tiranë ose jo, në krye të Qeverisë së Shqipërisë ose jo, me apandicit ose jo, ai e ka konfirmuar vetëm zotësinë e të gënjyerit, madje edhe kur ka përballë elektoratin e tij besnik!
Ja një lagje 7 minuta nga Kryeministria, ngjitur me Kopshtin 18, aty ku Lali Eri ishte disa herë dhe Kryeministri Edi Rama një herë ashtu si dhe në shkollën fillore Mihal Grameno që është përballë; Aty ku 98% e familjeve janë socialistë madje dhe macet nuk e hanë ushqimin nëse u jep në anën e djathtë të hyrjes së pallatit, ashtu si dhe pëllumbat që refuzojnë të ulen në dritaret nga ana e djathtë!
Ishte behari i vitit 2016 kur Lali Eri me vrullin e tij revolucionar bëri një ndërhyrje në ujësjellës-kanalizim dhe e la kështu, siç është sot, dhe shiu vazhdon e kontribuon në thellimin e këtyre gropave që tashmë janë dhe rrezik për fëmijët.
Komunistët e lagjes me besimin te vota shkuan dhe u ankuan te Njësia e tyre Administrative 2 dhe përgjigja ishte epike: Duhet ta mbyllin ata që e hapën UKT!
UKT nuk është e pushtuesit por nuk i mbylli gropat dhe nuk e ktheu në gjendjen fillestare (me asfalt), siç e parashikon ligji! Dhe, një mëngjes me aromë boje i bëri që banorët të gdhihen me gëzim pasi bojaxhitë që po bënin vijëzimet e rrugës, u bënë të ditur se do vijë Lali Eri në Kopshtin 18; Momente lumturie sikur se në rastin kur shihen pastruesit, vjen Lali Eri ndryshe nuk i sheh më njeri!
Por kot që erdhi, kishin kaluar dy vjet nga ndërhyrja, u bë rikonstruksioni i Kopshtit 18 dhe nuk e ktheu kokën djathtas të shoh tmerrin me sy. Edhe me këtë rast omunistët e lagjes ishin më të qetë, do ta shoh në dalje, e ka majtas, u thoshte intuita e tyre e kuqe!
Por, jo, u mashtruan sikur se me Krietarin e partisë, ashtu siç u trembën këto ditë demokratët me retorikën e njeriut pa apandicit.
Lali Eri iku për t’u kthyer edhe disa herë por pa shikuar majtas ose djathtas, por tashmë është e qartë se nuk ka arsye të asfaltoj as një metër rrugë kur është në qendër të Tiranës; Aty ku banorët janë të kënaqur me tallavanë e njeriut pa apandicit që u këndon kanaleve dhe baltës që prodhon vota të majta!
Nga buron e gjithë kjo kënaqësi?! Komunistët e Njësisë 2 në Tiranë dhe jo vetëm, shumë gjëra kanë mësuar nga partia, e nga Krietari i ri kanë kuptuar se lidhje ideologjike nuk ka, katolik ose orthodoks (myslimanët i ka vetëm për ti tallur) pak rëndësi ka për këtë njeri të humbur në hapësirë që po u sjellë fitore kundër Saliut, sepse Edi Rama e kishte dhe e ka vetëm një urrejtje, Veriun; E meqë jetojnë në Shqipërinë e Mesme, presin të përfitojnë nga çmenduritë e Kryeministrit, që helbete mund t’a shpallë një ditë dhe Ditën e një cope asfalti!
Në fund, ju që nuk jetoni në Njësinë 2 në Tiranë dhe mbi Fushë Krujë, lëreni se çfarë mendon llumi komunist, mos u shqetësoni sepse keni dhe një fat të madh, keni një Kryeministër që gënjen!
