Kërkesë Shqipërisë, Zelenskyy: Kufizoni ardhjen e turistëve rusë, mund të vijnë vrasës nga Bucha! 

Duke përshëndetur qëndrimin shqiptar ndaj popullit të Ukrainës, Presidenti i Ukrainës, Volodymyr Zelenskyy, në fjalën e tij drejtuar deputetëve të Parlamentit të Shqipërisë, tha se i kujton Nënë Terezën shqiptare, ndërsa i bëri thirrje qeverisë shqiptare që të që mbyllë portet për anijet ruse si dhe turistët, duke i tërhequr vërejtjen se mund të vijnë edhe vrasës të Buchas apo Irpinit.

“Faleminderit për hapat konkrete për Ukrainë, kundër Rusisë, për kujdesin që ju i bëni fëmijëve tanë dhe njerëzve tanë. Qëndrimi juaj ndaj popullit të Ukrainës, ndaj fëmijëve të Ukrainës, na kujton Nënë Terezës shqiptare, që është kthyer simbol i humanizmit në mbarë botën. Besoj se së bashku, në mjediset evropianë, në përpjekjet tona, do jemi në gjendje të parandalojmë këtë luftë. Dhe të mbrojmë Europën në të ardhmen nga një luftë,” tha Volodymyr Zelenskyy ndërsa kishte një kërkesë për Shqipërinë:

“Bandat ruse duhet të shkëputen nga tregu global. Ju duhet të hiqni mundësisë Rusisë në kohën e duhur.

Ju kërkoj që të kufizoni portat për anijet ruse dhe të kufizoni ardhjen e turistëve, ndoshta vijnë vrasës të Buchas, apo të Irpin. Ta bëjmë një gjë parimore dhe të ndalojmë përdorimin e fondeve të OKB për Rusinë. Ne nuk devijuam nga rruga europiane dhe jemi të përkushtuar për një Europë të bashkuar dhe besoj se kur të vijë koha për anëtarësimin e Ukrainës në BE, vota juaj do të jetë mbështetëse. Ka nga ata që janë të vegjël në hartë por kanë në zemër një mirësi më të madhe,” tha Presidenti i Ukrainës, Volodymyr Zelenskyy në fjalën e tij drejtuar deputetëve shqiptarë duke përfunduar:

“Faleminderit Shqipëri, ju falënderoj për mbështetjen tuaj. Lavdi Ukrainës!”