Këshilla për gjumë të mirë

Kemi dëgjuar shpesh se njeriu e kalon 1/3 e jetës në gjumë. Dhe, ndonëse kemi idenë se për rëndësinë e gjumit për organizmin dimë gjithçka, ka shumë prej tyre që e neglizhojnë këtë fakt me ose pa dashje.

Përballë një ritmi jetese gjithnjë e më të lodhshëm, shqetësime, stres, dhe obligime të shumëta familjare dhe në punë, e kemi për detyrim që organizmit tonë ti sigurojmë një pushim i cili është aq shumë i nevojshëm.

Gjumi është shumë i rëndësishëm për ta pushuar trupin dhe trurin, si edhe për të grumbulluar energjinë e nevojshme për ditën tjetër.

Shkoni të fleni gjumë gjithmonë në të njejtën kohë, çdo organizëm e ka orën e tij të brendshme. Vajtja në gjumë dhe zgjimi në të njejtën kohë, madje edhe në fundjavë, do t’iu ndihmoj që të fleni gjumë më lehtë dhe të mos zgjoheni gjatë natës.

Një faktor shumë i rëndësishëm për gjumin është edhe ambienti i një dhome të errët.

Gjithashtu përpiquni të shmangni “të kaltrën e lehtë” më pak se dy orë para se të shtriheni në krevat. Kërkimet nga Qendra Kërkimore sugjerojnë eliminimin e dritës nga celularët, tabletët, laptopët dhe ekranet në përgjithësi, pasi shumë prej nesh ajo na duket si dritë e ditës dhe na mban zgjuar.

Dhomat e gjumit duhet të ketë një temperaturë të rehatshme, rreth 18 °C, të qetë dhe të ajrosur mirë, me shtretër dhe jastëkë të rehatshëm.

Duhet të bëni kujdes që të mos hani ushqime të rënda së paku tri orë para se të shtriheni për të fjetur, ndërsa një dush gjithmonë ndihmon ciklin e gjumit.

Dhoma e gjumit është dhomë gjumi! Nëse e përdorni dhomën e gjumit vetëm për gjumë, do ta krijoni lidhshmërinë e madhe të krevatit me lodhjen. Punoni, shikoni TV, darkoni, kudo vetëm jo në dhomën e gjumit. Kur të shtriheni, truri do ta identifikojë kohën që ka ardhë, për pushim.