Këshilli i BE ndryshon mandatin e EULEX-it

Këshilli i BE ka vendosur që mandati i misionit evropian EULEX në Kosovë do të ndryshoj nga ai ekzekutiv në monitorues dhe këshillues në fushën e drejtësisë.

“Kosova do të marrë përgjegjësitë për hetimet e kryera, ndjekjet penale dhe gjykimet,” thekson vendimi i sotëm i Këshillit të Bashkimit Evropian.

Këshilli përmes një komunikate bënë të ditur se Misioni i EULEX-it do të përqendrohet nga përcjellja e çështjeve të caktuara dhe gjykimeve në institucionet e drejtësisë, si penale ashtu edhe civile, në monitorimin  dhe këshillimin e shërbimeve korrektuese kosovare, si dhe do të vazhdoj mbështetjen operative për zbatimin e marrëveshjes në dialogun për normalizimin e marrëdhënieve në mes të Kosovës dhe Serbisë.

Misioni do të mbajë disa përgjegjësi të kufizuara ekzekutive në fushën e mbrojtjes së dëshmitarit dhe mbështetjen e Dhomave të specializuara në Prokurorinë speciale, si dhe përgjegjësinë për mbajtjen dhe përparimin e sigurisë si organ i sigurisë së nivelit të dytë.

“Me vendimin e Këshillit është parashikuar që mandati i ri të filloj nga 14 qershori i vitit 2020. Gjithashtu i jepet një buxhet i kombinuar për operacionet e Misionit në Kosovë dhe Dhomës së specialuzar e Prokurorisë speciale me vlerë 169.8 milionë euro për dy vjet, nga 15 qershori 2018 deri më 14 qershor 2020,” thekson vendimi i Këshillit duke shtuar se buxheti për shpenzime  i misionit EULEX do të jetë 83.6 milionë euro, e për Dhomat e specializuara dhe Prokurorinë speciale 86.2 milionë euro.

Ndryshe, Misioni i EULEX-it është themeluar në vitin 2008 me seli në Prishtinë