Këshilli i Sigurisë Kombëtare, Meta: Përgjegjësit para ligjit!

Pas mbledhjes së Këshillit të Sigurisë Kombëtare ku ishte prezent edhe Kryeministri Edi Rama, Presidenti i Republikës theksoi se u diskutua për bashkëveprimin e institucioneve për përballimin e emergjencës ndërsa është mbështetur prokuroria të çojë përpara hetimet dhe të vendosë para përgjegjësisë ata që janë përgjegjës.

“Sot në mbledhjen e Këshillit të Sigurisë Kombëtare, diskutuam për një bashkëveprim dhe koordinim më të ngushtë midis të gjitha institucioneve për përballimin e emergjencës deri në rivendosjen e normalitetit të plotë,” thekson Ilir Meta duke shtuar:

“E mbështetëm prokurorinë të çojë përpara hetimet dhe të vendosë para përgjegjësisë penale të gjithë ata që do të rezultojnë përgjegjës.”

Në fund për tejkalimin e pasojave të rënda të tërmetit tragjik të 26 Nëntorit me magnitudë 6.4 të shkallës Rihter u vendos:

“Të sigurojmë burimet e brendshme dhe mbështetjen e duhur ndërkombëtare për tejkalimin e pasojave të rënda të këtij tërmeti të tmerrshëm.”