Këshilli Kombëtar i Integrimit Evropian, rreth bërrylit të përbashkuar!

Këshilli Kombëtar i Integrimit Evropian nuk është më një takim që mund të zgjoi kurreshtjen e shqiptarëve dhe do të jetë i tillë deri në ditë e anëtarësimit në BE, por përshëndetja e Presidentit të Republikës, Ilir Meta dhe Kryeministrit Edi Rama, 7 vjet pas ardhjes së kësaj dyshe kriminale në pushtet dhe disa minuat para fillimit të këtij Këshilli, është mesazhi më i qartë se çfarë ofron ky lidership dhe nga ana tjetër është dhe pritshmëria e shqiptarëve kur Meta-Rama vazhdojnë të jenë të përbashkuar rreth bërrylit.

Ambasadori i Bashkimit Europian Luigi Soreca në fjalën e tij në Këshillin e Integrimit Europian tha se integrimi i Shqipërisë në BE tashmë po ndodh në realitet.

 “Dëshiroj t’iu përgëzoj sot në emër të BE për faktin që jeni mbledhur këtu sot për të diskutuar për hapat mëtejshëm të Shqipërisë. Këshilli Kombëtar është mjedis i natyrshëm për ta kryer këtë diskutim dhe do luaj një rol të rëndësishëm në ditët në vijim. Më lejoni t’ju përgëzoj që u bëtë së bashku për Reformën Zgjedhore.

Nga ana e BE jemi gati, Komisioni Europian do të prezantojë kuadrin negociua dhe pasi të jetë miratuar do përfaqësojë rregullat e reja të lojës në BE. Shtetet anëtare i kanë kërkuar Shqipërisë të marrë hapat përfundimtare ndaj është thelbësorë që Shqipëria të ruaj frymën e bashkëpunimit. Puna do të duhet të vazhdojë në mënyrë paralele dhe do vazhdojmë ta mbështesim Shqipërinë në zbatimin e të gjithë elementë ve të planit ët veprimit. Kërkohet edhe një ekip negociues dhe me emërimin javën e shkuar, Shqipëria është gati për këto negociata të rëndësishme që kërkojnë punë të madhe dhe kapacitete të forta në të gjitha nivelet e administratës. Marrëdhënia ndërmjet BE dhe Shqipërisë ka ndryshuar në mënyrë thelbësore më 25 mars, nuk është thjeshtë aspiratë, por po ndodh në mënyrë konkrete, strukturat e BE do punojnë gjithnjë e më shumë me Shqipërinë,” tha Soreca duke garantiar se do punojmë që legjislacioni i Shqipërisë të jetë në përputhje me atë të BE.

Duke vlerësuar marrëveshjen e arritur në Këshillin Politik për Reformën Zgjedhore si një hap të rëndësishëm përpara, Presidenti i Republikës, Ilir Meta, tha ze zbatimi i Kodit të Ri Zgjedhor është një sfidë e re.

“Dialog nuk do të thotë vetëm të flasësh por edhe të dëgjosh. Bashkëpunim nuk do të thotë vetëm të marrësh por edhe të ofrosh.
Në këtë kontekst dua të vlerësoj se marrëveshja që u dakordësua në Këshillin Politik për reformën zgjedhore, ishte një hap i rëndësishëm përpara. Çmoj kontributin konstruktiv që luajti në këtë proces veçanërisht Komisioneri Varhelyi, Bundestagu gjerman, partnerë të tjerë europianë, si dhe SHBA dhe Mbretëria e Bashkuar.

Mirëpres që kjo dakordësi të vijojë për të gjitha ndryshimet e nevojshme të reformës zgjedhore dhe të finalizohet me miratimin e shpejtë në Parlament.

Padyshim sfida e vërtetë do të jetë zbatimi besnik i Kodit të ri Zgjedhor, dhe sjellja e secilit aktor për të siguruar një proces zgjedhor me integritet që mbron dhe respekton votën e lirë të qytetarëve.

Inkurajoj gjithashtu që në plan-veprimin e hartuar nga qeveria të reflektohen kontributet e të gjithë anëtarëve të Këshillit, të zbërthehen një për një të gjitha kushtet e vendosura, si dhe të përcaktohen qartë aktorët përgjegjës, termat konkretë e të matshëm të veprimit dhe kostot financiare për çdo zë. Konsolidimi e më tej zbatimi i këtij plan-veprimi duhet të vërtetojë se Shqipëria jep rezultate!

Nga ana ime, si President i Republikës, do të vazhdoj përpjekjet e mia të pandërprera në dobi të përparimit të qëndrueshëm dhe të besueshëm të procesit të integrimit europian të Shqipërisë, si një qëllim mbarëkombëtar i të gjithë qytetarëve shqiptarë.”

11 vite pas aplikimit të bërë dhe 6 vite pas marrjes të statusit kandidat, Kryeministri Edi Rama tha se Shqipëria është e gatshme ta hap këtë faqe të re:

“Këtë faqe e cila si i gjithë libri i shumëvëllimshëm i procesit të integrimit është një faqe me më shumë detyra, me më shumë sfida dhe patjetër kërkon dhe më shumë energji dhe më shumë bashkëpunim mes nesh. Por një gjë mund të thuhet pa asnjë ngurrim, që kur e shohim procesin me vështrim përpara jemi ende larg objektivit të madh kombëtar të anëtarësimit në BE por kur e kthejmë kokën pas shohim pa shumë vështirësi që jemi shumë më afër sot se sa ishim qoftë dhe një vit më parë, le më pastaj 5 apo 11 vite më parë,” tha Edi Rama i bindur se ky është një proces që ne na duhet si drita dhe si uji njeriut për të bërë Shqipërinë një vend, një shtet me standardet e BE-së ndërsa përfundoi:

“Nuk është një proces se na i kërkon Brukseli, Berlini, Parisi apo gjithë bota bashkë por është një proces që e bëjmë se e kërkon e ardhmja e fëmijëve tanë dhe nuk diskutohet që në thelbin e vet është një proces shtetformimi në funksion të ngritjes së institucioneve dhe të një sistemi të tërë që i korrespondon vlerave, parimeve dhe ligjësive të BE-së.”