KFOR-i dhe Policia e Kosovës në patrullime të përbashkëta

Misioni paqeruajtës i NATO-s në Kosovë, KFOR, ka bërë të ditur sot se ka kryer patrullime të përbashkëta me Policinë e Kosovës me qëllim të monitorimit të territorit dhe sigurimit të një kornize adekuate të sigurisë.

“Ushtarët e caktuar në Komandën Rajonale të KFOR-it në Perëndim (RC-W), kryen Patrulla të Përbashkëta me Policinë e Kosovës brenda zonës së tyre të përgjegjësisë, në mënyrë që të monitorojnë territorin dhe të sigurojnë një kornizë adekuate të sigurisë,” thekson KFOR përmes një njoftimi.

Në fund, KFOR siguron se është gjithmonë i përkushtuar për të mbështetur paqen, bashkëpunimin dhe përparimin për të gjithë njerëzit që jetojnë në Kosovë, sipas mandatit të tij, bazuar në Rezolutën 1244 të Këshillit të Sigurimit të Kombeve të Bashkuara të vitit 1999, duke kontribuar në ruajtjen e një mjedisi të sigurtë dhe të lirisë së lëvizjes për të gjitha komunitetet që jetojnë në Kosovë.