Zelenskyy u nis në vizitë në Izrael, izraelitët e refuzuan

Presidenti i Ukrainës, Volodymyr Zelenskyy mendoi ta vizitoi Izraelin në shenjë solidariteti pas sulmit të Hamasit, por iu tha se “nuk është koha e duhur”, raporton The Times of Israel.

Lideri ukrainas pas sulmit të militantëve mori fuqishëm anën e Izraelit duke theksuar se Izraeli ka të drejtën e padiskutueshme që të mbrohet nga sulmi i terroristëve palestinezë.

“Terrori gjithmonë është krim, jo vetëm kundër një vendi ose viktimave konkrete por kundër njerëzimit në tërësi. Bota duhet të jetë e bashkuar në mënyrë që terrori të mos bëjë përpjekje për marrje ose shkatërrim jete kudo dhe në çfarëdo llloj momenti,” tha Zelenskyy.

Ndryshe, të mërkurën u publikua një informacion se Zyra e Presidentit të Ukrainës ka kërkuar nga Izraeli që të miratoj vizitën zyrtare të Zelenskyyt.

Izraeli gjithashtu në mënyrë të përsëritur i ka shprehur mbështetje Ukrainës që nga momenti kur forcat ruse kanë nisur pushtimin në shkurtin e vitit të kaluar, por ndaloi ti ofroi ndihmë ushtarake, gjë që shkaktoi tensione diplomatike në mes të Kievit dhe Jerusalemit.

Izraeli hezitoi të kritikoi Moskën, e cila ka prezencë të madhe ushtarake në Siri.