Kim Jong-un fton Papa Françeskun në Phenian

Lideri koreanoverior, Kim Jong-un ka ftuar Papa Françeskun për të vizituar Korenë Veriore, bënë të ditur zyra e presidentit të Koresë Jugore.

Ftesa për të vizituar Phenianin do të dërgohet nga Presidenti i i Koresë së Jugut, Moon Jae-in, i cili do të qëndrojë në Vatikan javën e ardhshme në kuadër të udhëtimit të tij në Evropë, raporton RFE.

Asnjë Papë nuk ka vizituar ndonjëherë Korenë Veriore, ndonëse Papa Gjon Pali II është ftuar një herë.

Korea Veriore dhe Vatikani nuk kanë zyrtarisht marrëdhënie diplomatike.

“Gjatë takimit me Papa Françeskun, Moon do të dërgojë mesazhin nga Kim Jong-un, i cili do të mirëpriste Papën nëse ai viziton Phenianin,” tha zëdhënësi i Moon-it, Kim Eui-kyeom.

Kjo ftesë është dhe hapi i fundit në procesin e pajtimit nga Korea Veriore. Presidenti koreanoverior ka zhvilluar një samit të pashembullt këtë vit me presidentin amerikan, Donald Trump dhe tri samite me Korenë Jugore.

Ndryshe, në vitin 2000, babai i liderit koreanoverior, Kim Jong-il ka ftuar Papa Gjon Palin II të vizitojë Korenë Jugore, duke thënë se do të ishte “mrekulli” nëse ai do të vizitonte këtë shtet. Megjithatë ajo vizitë nuk ka ndodhur kurrë. Sipas agjencisë së lajmeve, Associated Press, Vatikani ka insistuar në atë kohë që vizita e Papës do të ndodhte vetëm nëse priftërinjtë katolikë do të pranoheshin në Korenë Veriore