Kinë, rrëzohet një avion me 132 pasagjerë

Avioni i kompanisë ajrore China Eastern Airlines, me 132 pasagjerë në bord, është rrëzuar sot në Provincën Guanksi, pasi është nisur nga qyteti kinez, Kunming për në Guangzhou.

Pas rrëzimit në rajonet malore, avioni është përfshirë nga flakët.

Ka shqetësime se nuk ka të mbijetuar, raporton RFE, mirëpo numri i viktimave dhe arsyeja e rrëzimit, nuk dihen ende.

Kompanitë ajrore kineze kanë histori të mirë sa i përket sigurisë, pasi aksidenti i fundit masiv ka ndodhur 12 vjet më parë.

Ekipet e shpëtimit, raporton RFE, janë dërguar në zonën e rrëzimit të avionit dhe kanë thënë se është ndalur zjarri.