Kisha Ortodokse Serbe zgjedh patriarkun e ri. Ja çfarë tha për Kosovën!
Mitropoliti i Zagrebit dhe Lublanës, Porfirije, u zgjodh sot patriark i ri i Kishës Ortodokse Serbe, njoftoi KOS duke shtuar se zyrtarizimi i Mitropolitit Porfirije në fronin e patriarkut do të bëhet nesër në orën 9:00 në Katedralen e Beogradit ndërsa ceremonia tradicionale në Patriarkanën e Pejës ende nuk është caktuar..
Me këtë emërim, Porfirije, i lindur në vitin 1961, bëhet kreu i 46-të i Kishës Ortodokse Serbe, pas vdekjes së Patriakut Irinej nga koronavirusi.
Qëndrimi i patriarkut të ri të KOS për Kosovën ishte kryefjala e fushatës dhe përzgjedhjes së tij.
Kur patriarku Irinej ndërroi jetë, presidenti i Serbisë, Aleksandar Vuçiç tha se Kosova ishte shqetësimi kryesor i Irinejit. ndërkohë kur ndër shqiptarë dhe ndërkombëtarë është krijuar ideja se dialogut Kosovë-Serbi po i vie fundi, në krye të Kishës Ortodokse Serbe, që është dhe burimi i të gjitha krimeve serbe në Ish-Jugosllavi, vjen një klerik ortodoks serb i linjës së ashpër jo vetëm për faktin se ka shërbyer në Manastirin e Deçanit.
Në fund të vitit të kaluar, Mitropoliti Porfirije në një intervistë për televizionin serb, TV Pink, tha se Kosova është çështje e identetit të serbëve dhe “në rast se e humbim si themel të ekzistencës”, nuk ishte i sigurt nëse “populli serb ka të ardhme”.
Për të sqaruar, shtoi se kjo nuk nënkupton armiqësi ndaj askujt, por Kosova dhe Kisha Serbe, sipas tij, janë “vertikale e cila ideon të kaluarën dhe pa të cilën nuk ka të ardhme.
“Kosova është shumë më shumë se miti. Miti është çështje e imagjinatës, e Kosova për patriarkun dhe kishën tonë është, peng, kjo është çështje identiteti. Interesi jetësor i Kishës Serbe është ruajtja e Kosovës dhe ndërtimi i Katedrales së Shën Savës,” tha Mitropoliti Porfirije që mendohet se ky qëndrim dhe akuzat për politikanët kroat se përdorin retorikën nga e kaluara, që bëjnë edhe sot serbët të jetojnë me frikë në Kroaci, ishin vendimtar në përzgjedhjen e tij.
