Koalicioni Opozitar/ Pas Marrëveshjes, Lulzim Basha: Ja angazhimi ynë kryesor, hap i panegociueshëm mbetet…

Pas firmosjes së Marrëveshjes së  Koalicionit Opozitar me Aletatët, kryetari I Partisë Demokratike, Lulzim Basha, u shpreh se angazhimi kryesor do të jenë zgjedhjet e lira dhe garantoi atë që është zotuar edhe me Aleatët përmes Marrëveshjes, se në mbrojtje të demokracisë dhe të zgjedhjeve të lira e të ndershme, nuk do të lejojnë asnjë farsë elektorale, të organizuar nga qeveria ilegjitime e Edi Ramës.

“Nuk do të ketë zgjedhje farse pa u ndëshkuar krimi elektoral. Dhe u pa vënë para përgjegjësisë Rama dhe bashkëpunëtorët e tij Dako, Gjiknuri. Mbi supet tona nuk qëndron përgjegjësia e fitores në zgjedhjet e ardhshme të lira e të ndershme por një mision kombëtar për t’i dhënë fund tranzicionit,” tha Lulzim Basha pas firmosjes së Marrëveshjes me Aleatët duke shtuar se në orët në vijim, Koalicioni Opozitar  do të zgjerohet me parti të tjera dhe është i hapur të ndërtojë bashkëpunim dhe partneritet me gjithë faktorët, grupe interesi për ti dhënë vendit të ardhmen evropiane që meriton.

“Fillon duke dhënë fund krimit elektoral dhe zgjedhjeve false. Të kthejë vendimmarrjen në duart e shqiptarëve, jo zgjedhje fals, të diktuara nga krimi, që prodhon parlament fals dhe qeveri false vegël të krimit. Duhet të ndëshkohet krimi elektoral që prodhoi parlament ilegjitim dhe qeveri ilegjitime, armik të interesave të qytetarëve dhe mbron pasurimin e paligjshëm në emër të një grushti kriminelësh,” tha kryetari I PD, duke bërë të ditur se akti i parë i këtij koalicioni që merr jetë sot do të jetë formësimi i platformës për zgjedhje të lira e të ndershme,

ndërsa e bëri të qartë edhe me këtë rast: “Hap i panegociueshëm mbetet zgjidhja politike, largimi i shkaktarit të kësaj gjendje, largimi i atij që shkatërroi policinë, arsimin, solli drejtësinë false, po shkatërron shtetin e shqiptarëve, largimi i Ramës dhe një qeveri tranzitore.”