Koalicioni Opozitar/ Reagimi, Rama: Në 30 Qershor do flasin me…

Pas firmosjes së Marrëveshjes për krijimin e Koalicionit Opozitar, ku PD dhe Aleatët zotohen për zgjedhje të lira me Qeveri Tranzitore dhe se në mbrojtje të demokracisë dhe të zgjedhjeve të lira e të ndershme, angazhohen të mos lejojnë asnjë farsë elektorale, të organizuar nga qeveria ilegjitime e Edi Ramës, Kryeministri Edi Rama reagon duke e cilësuar vetëvrasje politike.

“Pas djegies së mandateve, koalicioni kundër zgjedhjeve një tjetër formë e padëgjuar vetëvrasjeje politike!”

Edi Rama edhe me këtë rast përmes rrjetit social Twitter flet me një gjuhë kërcënuese duke theksuar se Shqipërinë s’e marrin dot peng dhe zgjedhjet as ndalen as shtyhen, ndërsa përfundon:

“Humbësit kronikë janë peng i dëshpërimit të tyre, po Shqipërinë s’e marrin dot peng. Zgjedhjet as ndalen as shtyhen. Në 30 qershor qytetarët do flasin me votë në çdo bashki.”

Ja statusi i plotë:

“Pas djegies së mandateve, koalicioni kundër zgjedhjeve një tjetër formë e padëgjuar vetëvrasjeje politike!

Humbësit kronikë janë peng i dëshpërimit të tyre, po Shqipërinë s’e marrin dot peng.

Zgjedhjet as ndalen as shtyhen.

Në 30 qershor qytetarët do flasin me votë në çdo bashki.”