Kolona të gjata në Rrugën e Kombit, kosovarët drejt bregdetit shqiptar

Temperaturat e larta kanë bërë që qytetarët e Kosovës ti drejtohen edhe këtë javë bregdetit shqiptar. Madje sot lëvizja në Rrugën e Kombit paraqitet edhe e rënduar.

Disa javë më parë, Qeveria e Kosovës, vendosi si masë kufizuese Anticovid, kalimin e kufirit, vetëm me testin negativ PCR të koronavirusit. Kjo pengonte qytetarët e Shqipërisë dhe Kosovës të udhëtonin lirshëm drejt dy shteteve. Megjithatë, Kosova doli me një vendim të dytë, ku theksohet se nuk është nevojë për testin negativ, për të kaluar kufirin.

Ndërkohë, Shqipëria ka dalë nga lista e kuqe e vendeve, që paraqesin risk të lartë të pandemisë COVID-19. Gjatë 24 orëve të fundit nuk raportohet asnjë rast i ri me koronavirus në Shqipëri.