Komisioni Europian i ndalon të punësuarve përdorimin e TikTokut

Komisioni Europian, KE, i ka ndaluar personelit përdorimin e aplikimit kinez TikTok për shkaqe sigurie. Ky vendim vjen në pikun e tensioneve në mes të Perëndimit dhe Pekinit, pasi qeveritë perëndimore janë të shqetësuara me dëshmitë, se kompanitë teknologjike kineze po ndihmojnë Partinë Komuniste dhe shërbimet e saj informative për mbledhjen e sasive të mëdha të të dhënave në gjithë botën, me qëllime politike dhe të sigurisë me vlerë të madhe.

Zyrtari i lartë i KE, tha për “Politico.eu”, se sot në mëngjes i gjithë personeli është urdhëruar që të heqin nga pajisjete e tyre zyrtare TikTokun, por, dhe nga pajisjet private nëse kanë të instaluara aplikime që janë të lidhura me punën.

Anëtarët e personelit duhet të fshijnë aplikimet e punës nga pajisjet private nëse këmbëngulin që të mbajnë TikTokun.

Institucionet tjera të Bashkimit Europian, duke përfshirë këtu Këshillin Evropian dhe Parlamentin, pritet të urdhërojnë ndalimin e aplikimit kinez, ndonëse duhet të kaloj një kohë e gjatë që Parlamenti Europian të zbatoj këtë lloj politike.

Ndalimi me siguri se do të shpallet publikisht në konferencën e rregullt për shtyp të Komisionit. Shtetet e Bashkuara tashmë kanë ndaluar TikTokun në shumë pajisje qeveritare, deri sa Holanda është duke shqyrtuar këtë ndalim.