Komisioni Hetimor, Edi Rama braktis llumin opozitar, i rikthehet flirtit me Liken!

Pas talljeve të panumërta me institucionin e Presidencës, 55 deputetë socialist kërkuan shkarkimin e Ilir Metës duke krijuar idenë se këta specialistë, siç thoshte i ndjeri Pjetër Arbnori, bëjnë dhe një punë të hajrit. Por një parti kriminale nuk ka se si të rezultoi ndryshe edhe pas hetimit të një çështje që kishte nisur për shantazh dhe vënien e drejtësisë në vend. Ilir Meta, sipas Edi Ramës dhe tashmë Komisionit Hetimor, mund të vazhdoj ta ushtroj detyrën e Presidentit ndërsa llumi opozitar që mori kot, mund të hatërohet por nuk i ndalon dot flirtet e dy miqëve të vjetër, edhe kur në krye të këtij llumi nuk është Rudina por Murrizi!

Kështu, ndonëse juristë, Klotilda Bushka dhe Ulsi Manja, sot u munduan ta bindin opinonin publik se Ilir Meta nuk ka bërë shkelje aq të rënda sa të shkarkohet. Ndoshta edhe nuk ka arsye të shkarkohet, ama prangat i ka hak po aq ta fjalimshkruesi i tij, Edi Rama, por, gjithsesi kur jurist të këtij niveli hartojnë edhe Raporte kaq të tëndësishme mund të dëgjosh broçkulla të tilla dhe kur relatore është Klotilda Bushka:

“Dokumentet që kemi administruar janë mbi 50 akte me praktika te plota. Ky raport i hartuar dhe perfunduar mbreme ne darke. Analiza e të gjitha provave që janë administruar i është nënshtruar edhe metodes se interpretimet të natyrës së shkeljeve dhe është vlerësuar nga gjithë procesi që është kryer, që të analizohet shkelja e rëndë; nga dy faktore, nga rrethanat qe kane ndikuar dhe pasojat qe kane ardhur nga kryerja e shkeljes. Kam menduar që ne nuk mund të marrim në konsideratë disa që janë ekskluzivitet i gjykatës Kushtetuese, si rasti nese konsiderohet e cenuar e drejta e nje gjyqtari kur presidenti nuk kryen betimin, se jane targa qe i takojne Gjykates Kushtetuese.”

Nisur nga provat dhe natyra e Komisionit Hetimor që është teknik dhe jo i natyrës politike, u mundua ta bind llumin opozitar Bushka, tha se ishin fokusuar në çështje që kanë të bëjmë me ato që pretendohen në kërkesën e deputetëve për shkarkimin dhe nëse janë apo jo shkeklje dhe nëse shkeljet janë të rënda.

“Nga analiza e provave rezultuan disa shkelje nga ana e Presidentit të Republikës si në kuadër të ushtrimit të kompetencave për shkeljet, por edhe emërimet në Kushtetuese, që analizohen në raport.

Këto shkelje referuar rrethanave dhe pasojave dhe fakti që komisioni nuk mund të shprehet se janë ekskluzivitet i gjykatave, janë shkelje që kanë natyrë që diktojnë marrjen e masave të menjëhershme për plotësimin e aktit kushtetueses për evitimin e situatave bllokuese, por nuk janë të mjaftueshme për të justifikuar shkarkimin e Presidentit,” tha Klotilda Bushka duke përfunduar:

“Kemi një shkelje për shfuqizimin e dekretit. U cenua e drejta për të zgjedhur. Kryerja e veprimeve për anulimin apo shtyrjen e zgjedhjeve cenuan edhe parimin e së drejtës së popullit për të qenë sovran dhe për të ushtruar të drejtat e tij.

Sa i përket pasojave, ne arrijmë në konkluzionin që ka pasur shkelje në lidhje me anulimin e datës së zgjedhjeve, por për të analizuar cfarë pasojash sollën është marrë në konsideratë praktika që kemi administruar edhe nga policia edhe nga prokuroria.”

Me këtë ndryshim të kursit të drejtësisë nga Edi Rama, llumi opozitar i cili kishte ëndërruar shkarkimin e Likes duke mos kuptuar se thjeshtë ishte një lojë në krizën e krijuar politike, nuk ishte dakord dhe u largua nga Komisioni Hetimor ndërsa Kryetari i Komisionit, Ulsi Manja, duke i uruar ditë të mbarë e ditë shtoi:

“Më lejoni të bëj disa sqarime referuar edhe ligjit për punën e komisoneve hetimore, dhe opinionit të Venecias për cdekretimin, Venecia shprehet se shkarkimi përfshin disa aspekte e faza ligjore e politike.

Puna e komisionit është thjesht me natyrë ligjore, ndërsa Kuvendi është që në fakt ka dhe një vendim përtej punës me natyrë ligjore ka dhe një vendimmarrje politike dhe që merr në konsideratë edhe pasojat politike të shkarkimit të presidentit e më pas Kushtetuesja si komsionit hetimor jep vlerësaim të natyrës kushteuese e ligjore.

E thënë qartë ky Komision Hetimor ka dhe do ketë një produkt me natyrë ligjore.

Zonja Bushka në emër të mazhorancës e që prezantoi Draft-Raportin përfundimtart me 47 faqe me konkluzionet përkatëse sugjeron dhe që propozimi im në rastin konkret është për komisionin hetimor, në tërësi që në analizë të fakteve akteve e dëshmive që janë marrë në shqyrtim, rrethanave konkrete, në rastin e anulimit të zgjedhjeve të 30 qershorit, duke marrë në konsideratë dhe vendimin e Venecias në 2019 dhe opionionin e Venecias të 2020 për emërimin e anetareve te GJK, duke analizuar cmohet se shkeljet e Presidentit në tëresinë e tyre pavarësisht se e ka shkelur nenin 90 të Kushtetuës për anulimin e zgjedhjeve të 30 qershorit, s’e e ka shkruar Venecia e zeza mbi të bardhe, që ska të drejtë të anulojë zgjedhjet, por kolegët 55 deputët propozues që kërkojnë shkarkimin me pretendimin se ka shkelur rëndë Kushtetutën, pas administrimit të provave dhe opinionit të Venecias arrin në konkluzionin që shkelja e Kushtetutës s’është e një natyre që mund të cojë në një procedurë shkarkimi të presidentit.”

Pra, mendimi përfundimtar i Komisionit Hetimor për Parlamentin do të shpallet të hënën ndonëse tashmë është e qartë se nuk do të kërkohet shkarkimi i Presidentit Ilir Meta; E paqartë mbetet se a do ta grisin apo jo diplomën e juridikut, sot turpi i legjislacionit shqiptar, Klotilda Bushka dhe Ulsi Manja.