Komunistët drejt Shkodrës së 14 Majit, lulëzon droga, pra, paraja!

Pas dështimit të Sigurimit të Shtetit më 6 Mars për ta pushtuar nga brenda Kështjellën e Shkodrës, kur nuk mjaftuan as premtimet e Lulzim Bashës dhe fushata e 6 deputetëve të tij kundër Partisë Demokratike dhe kandidatit të tyre Bardh Spahia, si dhe fjalët e mëdha të prefektës Majlinda Angoni, për zgjedhjet e 14 Majit, Sigurimi dhe Edi Rama ndryshuan strategji përveç se kandidatin për kryetar bashkie i marrë nga thesi i “demokratëve” që u pasuruan në qeverinë e Sali Berishës si drejtues i Fondit për Zhvillim, për të vazhduar me KESH-in e Ramës, aty ku qajnë shqiptarët dhe qeshin qeveritarët socialistë!

A i garanton fitoren PS-së, “marrja” nga PD e Benet Beci si kandidat komunist për kryetar të Bashkisë Shkodër dhe “rrëmbimi” nga Partia e Lirisë i Agron Çelës me paratë që kanë, si dhe vendimi i bedelëve të Lulzim Bashës për ti lënë fushë të lirë komunistëve për pazare, janë pikëpyetjet e mëdha që janë shtruar me pamje nga Kështjella Shkodër dhe që sot fatkeqësisht fillojnë të marrin kuptim!

Një operacion kundër lëndëve narkotike sot në Malësinë e Madhe ku u evidentuan disa sera me rreth 5 mijë fidanë kanabis, tregon se banda komuniste bazuar në shifrat e 6 Marsit ka filluar korrigjim eleketoral të terrenit duke kuruar diferencën e votave me shfrytëzimin e klimës kaotike që la ndër demokratë Kryetari Nënkryetar!

Votat që mori Majlinda Angoni më 6 Marsi, 18.205 ose 39.51 për qind nga gjithsej 46.881 shkodranë sa shfrytëzuan të drejtën e tyre kushtetuese, lirshëm mund të thuhet se është dhe maksimumi nga 168.288 qytetarë me të drejtë vote sa ka Bashkia Shkodër dhe mund t’ju besojnë premtimeve komuniste, fakt të cilin e ka parasysh si Benet Beci ashtu dhe krahu i tij i majtë me para, Agron Çela!

Të cilët, gjithashtu e dinë se 7.749 ose 16.82 për qind që votuan për Xhemal Bushatin më 6 Mars, sot janë braktisur jo pa qëllim!

Por, këta “demokratë” të Lulzim Bashës nuk janë afganë të Kabulit që po presin talebanët, por janë shkodranë që e kanë kuptuar se Luli dhe Xhemali me 6 deputetë i shitën ata para presionit të Edi Ramës apo për një grusht parashë, pak rëndësi ka; Dhe, do të jenë vetë ata të zotët e votës që do të vendosin nëse do të shkelin mbi gjakun e 2 Prillit dhe do ti bashkohen Edi Ramës, do ta ndëshkojnë kastën e tyre kriminale që i shiti me kuletën e hapur të komunistëve, apo do ti bashkohen grupit të zhgënjyerëve që, pavarësisht rrethanave, votën dhe dinjitetin e tyre nuk e shesin për para të përgjakura të komunistëve!

Në këtë situatë të krijuar, çfarë i mbetet kandidatit të Partisë Demokratike dhe rojes së Kështjellës së Shkodrës, Bardh Spahia, të veproj deri në ditën e gjykimit, 14 Maj!

Fitorja e Bardh Spahisë më 6 Mars me 20.125 vota ose 43.67 për qind nga gjithsej 46.079 vota të vlefshme sa ishin dhe për 800 vota që u tha se janë të pavlefshme, vendimi i bedelëve të Kryetarit Nënkryetar si dhe lulëzimi i drogës në malet përreth Shkodrës ndërsa po ndezen motorët e fushatës zgjedhore, janë një pasqyrë reale nga e cila mund të gjendet dhe rruga e fitores së sërishme!

Skema që ndërtoi Sigurimi me Edi Ramën dhe bedelët e tij për ta shkrirë diferencën prej 4 për qind që gëzon Bardh Spahia nga 6 Marsi, e projekton fitoren e sigurt me 16.82 vota që iu besuan Xhemal Bushatit, por, ngatërruan një detaj shumë të rëndësishëm!

Partia e Punës ashtu si Partia Socialiste kurrë nuk arritën ti blejnë zemrat shkodrane përkundër përpjekjeve të mëdha që bënë me zengjin komunist si tomë e agronë, por, pavarësisht kësaj, është detyrë e Bardh Spahisë, ashtu siç e dëshmoi pas 6 Marsit, ti tregoj të paktën këtyre 7.749 demokratëve që për momentin i besuan votën Lulit dhe Kryetarit Nënkryetar, se ai ka marrë përsipër këtë detyrë fisnike sepse e thirrë dera e madhe e Spahive, për të mos lejuar komunistët që ta shkatërrojnë këtë qytet të bukur heroik që nuk arritën ta marrin as turqit, as malazezët, as serbët, as kriminelët e Mehmet Shehu dhe as Edi Rama!

Në fund, pavarësisht angazhimit të madh të Bardh Spahisë për të ruajtur dhe zhvilluar Shkodrën, zellit të madh komunist të Edi Ramës dhe Kryetarit Nënkryetar për të blerë votën më 14 Maj, se kush e shet votën, këtë e vendos vetëm dinjiteti shkodranë!