Konflikt i rrezikshëm Texas-Biden, 40.000 kamionë drejt kufirit

Eagle Pass në Texas u bë epiqendra e një konflikti të rrezikshëm në mes të Texasit dhe pushtetit federal, rreth trajtimit të krizës me emigrantë dhe kush ka kompetenca ndaj kësaj pjese të kufirit amerikano-meksikan.

Kontesti u ashpërsua më 10 Janar, kur pushteti në Texas bllokoi agjentët amerikanë të kufirit në rajonin e Eagle Pass. Ky rajon përfshinë Shelby Park, parkun e qytetit në lumin Rio Grande i cili tani kufizohet me tela me gjemba, që pengon dhe patrullën kufitare, raporton CNN.

Më 12 Janar, pasi dega ushtarake e Texasit mori dhe siguroi Shelby Park, dy fëmijë dhe nëna e tyre u mbytën në pjesën e afërme të lumit Rio Grande. Tani autoritetet amerikane dhe ato texasiane po akuzojnë njëra-tjetrën se kush kontribuoi në këtë tragjedi.

Ndërkohë konflikti në mes të Texasit dhe qeverisë federale rreth kontrollit të kufirit amerikano-meksikan u ashpërsua edhe më shumë ditëve të fundit, pasi që Guvernatori i Texasit, Greg Abbott, paralajmëroj se do ta sfidoj administratën e Bidenit dhe Gjykatën e Lartë të SHBA, duke urdhëruar edhe më shumë tela me gjemba në mënyrë që të zbraps emigrantët.

Më herët, Gjykata e Lartë urdhëroi Texasin të heq telat me gjemba përgjatë kufirit.

40.000 kamionë drejt kufirit

Kolona me 40.000 kamionë, nën emrin “Të kthejmë kufirin tonë”, e cila angazhohet për forcimin e sigurisë kufitare, sot është nisur nga Norfolki në Virginia drejt Eagle Pass. 

Kamionët janë nisur drejt kufirit jugor ku do të mbajnë tubime në vendkalimet kryesore, duke përfshirë këtu edhe San Ysidro në Californi, Eagle Pass në Texas dhe Yumu në Arizona. Grupi planifikon të kaloi pjesën juglindore të Shteteve të Bashkuara, para se ti bashkohet protestuesëve në Texas gjatë fundjavës që vjen.

“Dëgjoj se 40.000 shoferë kamionësh do vijnë nga i gjithë vendi dhe Canada,” tha organizatori John Hudgins. Nisja e kolonës së kamionëve nga Virginia shënon fillimin e asaj që mund të jetë një zhvillim i rëndësishëm në konfliktin mbi sigurinë e kufijve. 

“Jemi dëshmitarë të një konflikti të paparë në kufi, i cili sprovon themelet e SHBA dhe pushtetin e Gjykatës së Lartë,” tha avokati për emigracionin Jaime Vaquez.

JUST IN: "Take our Border Back" convoy has departed from Norfolk, Virginia for Eagle Pass to protest against Biden's open border.

The organizer, Craig Hudgins, says he wants to show his support for the Texas National Guard as they defend Texas.

Hudgins estimated that a whopping… pic.twitter.com/Ia6zbsTrPT

— Collin Rugg (@CollinRugg) January 29, 2024

26 guvernatorë republikanë mbështesin Texasin

Më shumë se 20 guvernatorë republikanë kanë firmosur letrën mbështetëse për Texasin, drejtuar Bidenit dhe Sekretarit të DHS, Alejandro Mayorkas.

“Përpjekjet e guvernatorit Abbot që siguronkufirin tonë dhe punën e avokatit të shtetit Paxton i cili po mbronë këto përpjekje, duhet të mbështeten. Ne jemi kombi i ligjit. E pa kufi do të pushonim së ekzistuari si komb,” thuhet në letër.

26 guvernatorë republikanë nga Iowa, Utaha, Alabama, Alaska, Arkansasi, Florida, Georgia, Idaha, Indiana, Kansasi, Kentucky, Louisiana, Mississippi, Missouri, Montana, Nebraska, New Hampshire, Dakota Veriore, Oklahoma, Ohia, Carolina Jugut, Dakota Jugut, Tennessee, Virginia, Virginia Perëndimore dhe Wyoming kanë firmosur letrën. Gjithashtu edhe kreu i ligjvënësve shtetëror të Arizonas kanë firmosur letrën.

While Washington politicians are talking big, we’re taking real action.

Texas is protecting their state sovereignty, and I am proud to stand with @gregabbott_tx.

It’s time to stop this invasion at the border. pic.twitter.com/d6f0edbLsz

— Kristi Noem (@KristiNoem) January 30, 2024

“Dua ti falënderohem kolegëve të mi nga i gjithë vendi për mbështetjen, derisa Texasi po kryen punën të cilën Biden po refuzon ta kryen,” tha Ken Paxton, kryeavokati i shtetit të Texasit.

“Pushtimi, i nxitur me refuzimin e Bidenit që të zbatoj ligjin federal, është kërcënimi më i madh me të cilin po përballet ky shtet. Texasi do të vazhdoj të bëjë atë që ka mundësi për të mbyllur kufirin dhe të mbrojë Amerikën,” tha Paxton.

Flitet për shkëputje

Në komunikatën e publikuar javën e kaluar, Abbott tha se qeveria federale ka shkelur kompaktin në mes të qeverisë federale dhe shteteve, dhe paralajmëroi se ka dislokuar gardën kombëtare të Texasit dhe personelin tjetër shtetëror për siguri publike që të sigurojnë kufirin e Texasit.

“Fjala kompakt (compact) shkakton shqetësim tek disa njerëz, sepse kjo është mënyra që shtatë nga 11 shtetet që janë shkëputur (përfshi këtu edhe Texasin) i janë referuar Kushtetutës në urdhërin e tyre për shkëputje gjatë Luftës Civile,” thotë historiani i luftës civile, Stephen West.

Nick Robertson nga The Hill gjithashtu shkruan mbi fjalën e shkruar nga Abbot. “E ashtuquajtura ‘teoria e kompaktit’ hedhë poshtë idenë e epërsisë shtetëror që është shfrytëzuar si arsyetim për shkëputjen e shteteve nga Konfederata gjatë Luftës Civile. Gjykata e Lartë disa herë e ka rrëzuar teorinë ligjore në vitet e kaluara në Shtetet e Bashkuara, kur për herë të parë u propozua anulimi i juridiksionit federal gjatë kohës kur ish presidenti John Adams ishte në detyrë,” shkruan Robertson.

Flitet edhe për marrëveshje?

Ndërkohë burime nga CBS raportojnë se një marrëveshje mund të arrihet gjatë javës së ardhshme ndërsa anëtarët e Senatit amerikan në Washington po punojnë për marrëveshjen e mundshme rreth imigracionit.

Ligji, sipas marrëveshjes, do ti jepte pushtet presidentit që të pushoj përpunimin e kërkesave oër azil gjatë rritjes shumë të madhe të kalimit ilegal të kufirit. Përveç kësaj, flitet edhe për vendosjen e masave për dëbim të shpejtë dhe shkurtimin e kohës së pritjes deri në vendimin për azil.