Konflikt në Parlamentin Evropian: Po promovoni të ushqyerit me Insekte, i keni shpall luftë Verës!
Grupet e djathta e kanë bërë të qartë sot në Parlamentin Evropian se politikat e së majtës janë përgjegjëse për problemet e fermerëve që kanë nxitur dhe protesta në shumë vende evropiane, deri sa të majtët kanë vazhduar ti qëndrojnë idesë se është e pamundur të ndahet bujqësia nga mbrojtja e ambientit.
“Poitika bujqësore nuk është nënndarje e politikës ekologjike, por është temë e rëndësishme e veçantë,” tha në seancën plenare lideri i PPE, Manfred Weber.
Weber rikujtoi se PPE ishte kundër urdhrit që të ripërtrihet natyra, e cila u miratua në muajin nëntor, dhe parashikon masa për ripërtrirjen e të paktën 20 për qind zonave detare dhe tokësore që janë në gjendje të keqe deri në vitin 2030 dhe gjithë ekosistemit deri në vitin 2050.
“Gabim është të lihet toka djerrë kur mungon ushqimi,” tha Weber.
“Plan i çmendur i të gjelbërve”
Grupet e eurodeputetëve më të djatha se PPE, konservatorët dhe reformatorët evropianë – ECR, si dhe Identiteti dhe demokracia – ID, kanë fajësuar PLanin e Gjelbër, strategjinë e BE për arritjen e neutralitetit klimatik deri në vitin 2050, për problemet e fermerëve.
Eurodeputeti italian nga ECR, Nicola Procaccini, tha se në kuadër të planit të çmendur të gjelbërve po bëhet luftë kundër prodhimit bujqësor.
“Po promovoni të ushqyerit me insekte, ndërsa i keni shpallur luftë verës dhe bagëtisë,” tha Procaccini deri sa eurodeputeti estonez nga ID, Jaak Madison, vlerëson se plani i të gjelbërve shkatërron bujqësinë.
“Me utopi dhe fantazi nuk do ta shpëtoni planetin. Vetëm 6 për qind të CO2 emeton Europa, e këtë ngarkesë dëshironi t’ia ngarkoni fshatarëve,” tha Madison.
Në debat u përfshi edhe eurodeputeti kroat, Ladislav Ilçiç, anëtar i sovranistëve të Kroacisë nga ECR. Ilçiç tha se politika aktuale e BE është shkatërrimtare për fermerët dhe gjithë shoqërinë, dhe se fshatarët po protestojnë kundër shumë rregulloreve, reduktimeve ndaj Planit të gjelbër, importit të ushqimit më të lirë, reduktimit të plehrave artificiale konvencionale dhe heqjes së subvencionit për naftë.
“Po shpallni fundin e prodhimit bujqësor. Unë shpresoj se para këtij qëllimi, qytetarët do të shpallin fundin tuaj në zgjedhjet e ardhshme evropiane,” tha Ilçiç.
Të Gjelbërit: Fshatarët, më të goditurit nga ndryshimet klimatike
Zv/Presidenti i të Gjelbërve, euodeputeti belg Philippe Lamberts, për problemet e fermerëve fajësoi Politikën e përbashkët bujqësore e cila, siç tha, i shërben industrialistëve të mëdhenjë, dhe jo prodhuesëve të vegjël.
“Ju e djathta jeni përgjegjës, ju jeni për Politikën e përbashkët bujqësore e cila është vetëm për prodhim,” tha Lamberts duke shtuar:
“Na duhet Plani i Gjelbërt nëse dëshirojmë të mbijetojmë. Fshatarët janë në vijën e parë të ndryshimeve klimatike.”
Eurodeputetja spanjolle, Iratxe Garcia Perez, kryetare e grupit të Socijalistëve dhe demokratëve, tha se fshatarët duhet ndihmuar me subvencione, uljen e shpenzimeve të transportit dhe luftës kundër praktikave tregtare joluajale, në mënyrë që të arrihet një çmim sa më i mirë i produktit.
“Por, apsolutisht nuk mund të pranojmë që kriza bujqësore të vë në dyshim luftën kundër ndryshimeve klimatike, siç nuk është e pranueshme që BE të viktimizoj marrëveshjet tregtare me vendet e treta,” tha Iratxe Garcia.
Iratxe Garcia iu referua kundërshtimit francez, pas protestave të fermerëve, marrëveshjes tregtare në mes të BE dhe bllokut tregtar amerikanojugor Mercosur.
Për dallim nga socialdemokratja spanjolle, E Majta, ashtu si ECR dhe ID, ka kritikuar marrëveshjen e propozuar tregtare, si dhe marrëveshjet me vendet tjera.
“Si mund të jenë fshatarët tanë konkurres kundër Brazilit ose Ukrainës që kanë fabrika bujqësore. Cila është levërdia e importit të të mirave nga ana tjetër e botës nëse ne mund ti prodhojmë,” tha eurodeputetja francez e së Majtës, Manon Aubry.
Ndryshe, protestat e mëdha të fermerëve goditën Francën, Belgjikën, Gjermaninë, Holandën, Rumaninë dhe Italinë, e në kulmin e protestave Presidentja e Komisionit Evropian, Ursula Von der Leyen, paralajmëroi tërheqjen e urdhrit për përdorimin e qëndrueshëm të pesticideve.
