Koronavirusi prek Serbinë

Në Serbi është konfirmuar rasti i parë me koronavirus nga ministri i Shëndetësisë, Zllatibor Llonçar. I infektuari, është një burrë 43 vjeç nga Subotica, i cili e ka vizituar Budapestin, raporton RFE. Atje, motra e tij kishte probleme me frymëmarrjen. Ai aktualisht është vënë në karantinë në një spital të Suboticës.

“Ai është kthyer nga Budapesti dhe nuk është ndjerë mirë. Pacienti ka treguar përgjegjësi dhe është izoluar menjëherë. Testi i infeksionit tregoi se ai është pozitiv në koronavirusin e ri”, tha Lonçar.

Ministri i Shëndetësisë shtoi se nuk kishte vend për panikë dhe frikë.

“Serbia është e gatshme, çdo gjë që kërkon profesioni, ne do të bëjmë,” tha Lonçar.

Në nivel global, autoritetet konfirmuan mbi 92.000 raste të prekura me koronavirusi. Shumica e tyre, mbi 80.000, janë në Kinë, vendin e origjinës së koronavirusit.

Në të gjithë botën, mbi 3,000 njerëz kanë vdekur nga COVID-19, sëmundja që e shkakton koronavirusi.

Në SHBA, numri i të vdekurve aktualisht është 12, ndërsa të infektuar janë mbi 200.