Kosova pranon propozimin e BE, Hovenier: SHBA do të vazhdojë të ofrojë mbështetjen!
Ambasadori i SHBA-së në Prishtinë, Jeffrey Hovenier, tha se Shtetet e Bashkuara është e inkurajuar dhe mirëpret vendimin e Kosovës për ta pranuar në parim propozimin e BE-së për marrëveshjen me Serbinë.
“Shtetet e Bashkuara është e inkurajuar dhe mirëpret vendimin e Kosovës që po ashtu ta pranojë në parim propozimin e Bashkimit Evropian dhe do të vazhdojë të ofrojë mbështetjen e plotë për dialogun e lehtësuar nga BE-ja,” tha Ambasadori i SHBA-së në Prishtinë, Jeffrey Hovenier, në reagimin e tij përmes rrjetit social Twitter duke përfunduar:
“Marrëveshja e përkohshme do të sjellë përfitime të konsiderueshme për Kosovën dhe për Serbinë.”
Ndryshe, pas takimit me të dërguarin e Bashkimit Evropian për dialogun Kosovë-Serbi, Miroslav Lajçak, Kryeministri Albin Kurti, tha se Kosova e pranon propozimin e BE-së për normalizimin e marrëdhënieve Kosovë – Serbi dhe se e konsideron si një bazë të mirë për diskutime të mëtejshme dhe një platformë solide për të ecur përpara.
