Kosova shënon 4 Korrikun, Ditën e Pavarësisë së SHBA
Sot në nderim të 4 korrikut, Ditës së Pavarësisë së SHBA, Garda Ceremoniale e FSK-së ka ngrit flamurin amerikan në Sheshin që mban emrin e Ish-Presidentit Bill Clinton.
Aktiviteti është organizuar nga Shoqata “Miqtë e Amerikës” dhe FSK.
Kryetari i Shoqatës Agim Rexhepi, tha se me këtë ceremoni tregohet se Kosova ka respekt dhe dashuri për Amerikën.
“Populli i Kosovës, në veçanti populli shqiptar po organizon këtë aktivitet dhe me këtë tregon se kemi respekt dhe dashuri për Amerikën”, tha Rexhepi.
Kurse Hajrush Kurtaj drejtor i Bashkëpunimit Civilo-Ushtarak në Ministrinë për Forcën e Sigurisë së Kosovës, tha se FSK është bërë pjesë e këtij aktiviteti në shenj respekti dhe falënderimi për ShBA-në. Sipas tij Amerika ka bërë shumë për Kosovën dhe këtë nuk do të e harroj kurrë populli i Kosovës.
