Kosovë, çmimet e reja të karburnateve, nafta 1.85 euro

Ministria e Industrisë, Ndërmarrësisë dhe Tregtisë, MINT, ka bërë të ditur sot çmimet maksimale të karburanteve brenda 24-orëve.

Çmimi maksimal për naftë është caktuar 1.85 euro, kurse për benzinë, 1.74 euro dhe për gaz, 0.78 centë.

“Ky vendim është marrë pas rritjes së çmimeve të naftës javëve të fundit në Kosovë.

1.Çmimi maksimal i lejuar i produktit Dizel është: 1.85 eurocentë për litër;

2.Çmimi maksimal i lejuar i produktit Benzinë është: 1.74 eurocentë për litër;

3. Çmimi maksimal i lejuar i produktit Gas është: 0.78 eurocentë për litër,” njofton MINT.

Sipas Ministrisë së Industrisë, Ndërmarrësisë dhe Tregtisë, këto çmime vlejnë nga ora 10:00 e 27 qershorit deri të nesërmen në kohë të njëjtë.

“Çmimet e lartëcekura vlejnë për datën 27/06/2022 prej orës 10:00 dhe janë valide 24 orë nga data dhe ora e publikimit,” thuhet në njoftimin e MINT.

Ndryshe, ky njoftim vjen pas udhëzimit administrativ që miratoi Qeveria e Kosovës më 22 qershor, për rregullimin e çmimeve të karburanteve.