KPA shkarkon Elisabeta Imerajn, KLP cakton drejtuesin e përkohshëm të Prokurorisë së Tiranës

Një ditë pas shkarkimit nga KPA të Kryeprokurores së Tiranës Elisabeta Imeraj, KLP ka caktuar sot drejtuesin e përkohshëm të Prokurorisë së Tiranë, Arenc Çelën.

Ndryshe, më 27 Prill Elisabeta Imeraj u shkarkua nga detyra nga KPA, duke konstatuar se prokurorja nuk plotësonte disa kritere. Duke iu referuar të dhënave të bëra publike nga KPA, rezulton se për kriterin e pasurisë, për njërën nga pasuritë ka mungesë burimesh financiare.

Mësohet se kryeprokurorja ka bërë një deklarim të pasaktë për një apartament në zonën e Ali Demit, pasi ka mungesë burimesh. Po ashtu thuhet se ka mosdeklarim të gjendjes cash në deklaratat vjetore.

Ndër të tjera flitet edhe për një godinë 5 kateshe në rrugën Sabaudin Gabrani ku thuhet se Imeraj ka kryer deklarim të pasakte dhe të pamjaftueshme.

“Për kriterin e pasurisë; nuk ka raportuar një rekord te kunatit ne Itali. Subjekti gjendet ne kushtet e cenimit te besimit,” u tha nga KPA.