KPK shkarkon nga detyra djalin e Ish-Kryetarit të Gjykatës Kushtetuese
Komisioni i Pavarur i Kualifikimit shkarkohet nga detyra gjyqtarin e Tiranës, Altin Abdiu, djali i Ish-Kryetarit të Gjykatës Kushtetuese, Fehmi Abdiu. Vendimi është dhënë sot nga Komisioni i Pavarur i Kualifikimit.
KPK shkarkoj Altin Abdiun pasi ai nuk justifikoj pasurinë.
Të premten ai u përball me vetingun, ku KPK i kërkoi prova në lidhje me transaksionet e pasurive ku rezulton bashkëpronar me familjarët, si dhe në lidhje me mungesën e burimeve për krijimin e një pjesë të tyre.
Altin Abdiu u mbrojt me argumentin se pasuritë e paluajtshme janë krijuar nga prindërit, dhe ai nuk ka kontribuar për to.
Dyshimet nisën transaksioneve në shkëmbimin e apartamenteve të mëparshëm që ka zotëruar ai dhe familjarët me dy apartamente të rinj, një vilë dy katëshe në një fshat turistik në Golem, si dhe për një automjet tip Benz të blerë në më pak se gjysmën e vlerës që kishte paguar shitësi.
Pavarësisht se nuk u fol për aspektin profesional, dihet se deri më sot Altin Abdiu gëzonte privilegj të rrallë ndër gjyqtarë për shkak të atit Fehmi Abdiu, i cili përveç se Kryetar i Gjykatës Kushtetuese, ishte dhe Kryetar i Gjykatës së Lartë ndërsa ndër shqiptarë njihet si gjykatësi që dënoi me vdekje shkrimtarin Havzi Nela.
