KQZ përgjigje Presidentit Republikës: Tre bashki janë pa kryetar, për të tjerat s’kemi informacion
Komisioni Qendror i Zgjedhjeve, KQZ, duke i kthyer përgjigje Presidentit të Republikës, Ilir Meta në lidhje me bashkitë, që kanë mbetur pa kryetar thekson se tre janë bashkitë ku janë krijuar vakancat: Vorë, Shkodër dhe Dibër.
“KQZ ka shpallur të pavlefshme dhe përfundimin e parakohshëm të mandatit të kryetarit të bashkisë Vorë, Agim Kajmaku. Valdrin Pjetri, kandidati fitues për kryetar i bashkisë Shkodër, para marrjes së detyrës ka vënë në dijeni KQZ për dhënien e dorëheqjes nga marrja e detyrës. Zoti Dionis Imeraj, kryetari i bashkisë Dibër ka depozituar pranë KQZ dokumentacionin e kandidimit si deputet për zgjedhjet e Kuvendit të datës 25 prill 2021, pjesë e të cilës është edhe kërkesa e tij për dorëheqjen për shkak të kandidimit”, thuhet në shkresën e Komisionit Qendror të Zgjedhjeve ndërsa për rastet e tjera të vakancave të krijuara në Lushnje, Rrogozhinë dhe Durrës, KQZ thotë se nuk ka marrë asnjë informacion.
Bashkitë që kanë mbetur pa kryetar
1- Bashkia e Shkodrës – Valdrin Pjetri u prek nga ligji i dekriminalizimit.
2- Bashkia e Vorës – Agim Kajmaku, po ashtu “u dogj” nga dekriminalizmi.
3- Bashkia e Durrësit – Valbona Sako dha dorëheqjen pas tërmetit të nëntorit.
4- Bashkia e Rrogozhinës – Pasi kryetari Haxhi Memolla ndërroi jetë.
5- Bashkia e Dibrës – Dionis Ymeri la postin për të kandiduar si deputet.
6 – Bashkia e Lushnjës – Fatos Tushe u shkarkuar nga kryeministri Edi Rama, pas arrestimit për korrupsion.
Ndryshe, Presidenti i Republikës në një dalje publike të premten bëri të ditur se ka kërkëuar nga KQZ informacion se kush janë saktësisht ato Njësi të Qeverisjes Vendore, në të cilat përtgjatë kësaj periudhe 30 qershor – Janar 2022 sipas informacioneve dhe vlerësimit tuaj Kryetarëve të Bashkive u ka përfunduar mandati në mënyrë të parakohshme. Cili është shkaku ligjor dhe akti përmes të cilit është realizuar përfundimi i parakohshëm i mandatit dhe për plotësimin e të cilave është e nevojshme organizimi i zgjedhjeve të pjesshme për kryetarin e bashkisë, në përputhje me Kodin Zgjedhor të Republikës?
Presidenti i Republikës, këtë informacion e kërkëon para se të shpall zgjedhjet e pjesëshme vendore në bashkitë që kanë ngelur pa kryetar!
