Kraja në krye të SPAK, Të Përndjekurit Antikomunistë: Akti i fundit i rikthimit të persekutorëve të diktaturës…
Pas zgjedhjes së prokurorit Arben Kraja në krye të Strukturës së Posaçme Antikorrupsion dhe Krim i Organizuar, SPAK, ka reaguar Shoqata Antikomuniste e të Përndjekurve Politikë të Shqipërisë, e fyer dhe e indinjuar nga rikthimi i persekutorëve të diktuarës komuniste në krye të drejtësisë shqiptare.
“Dje me zgjedhjen në krye të SPAK të prokurorit Arben Kraja, një ish-hetues i Sigurimit të Shtetit në Shkodër, 1987-1992, është konsumuar akti më i fundit i rikthimit në krye të drejtësisë së persekutorëve politikë të diktaturës komuniste në Shqipëri,” thekson kryetari i Shoqatës Antikomuniste të Përndjekurve Politikë të Shqipërisë, Nebil Çika, duke e konsideruar edhe si një rrezik real të rikthimit të metodave e praktikave kriminale të diktaturës komuniste në institucionet e drejtësisë
“Emërimi i Krajës në krye të Prokurorisë Specialë, SPAK, shihet nga ne jo vetëm si një akt i rehabilitimit të institucioneve dhe njerëzve që kanë kryer krime politike të rënda (krime kundër njerëzimit dhe gjenocid) por edhe një rrezik real për rikthimin në institucionet e drejtësisë të metodave e praktikave kriminale të diktaturës komuniste.”
Duke konstatuar me keqardhje mos reagimin e partnerëve dhe institucioneve ndërkombëtarë ndaj riciklimit në pushtet të persekutorëve komunistë, Shoqata Antikomuniste e të Përndjekurve Politikë të Shqipërisë kërkojnë nga SHBA, BE dhe OSBE të aplikojnë në qëndrimet e tyre ndaj autorëve të krimeve të komunizmit në Shqipëri, të njëjtat standarde ligjore, politike e morale që aplikohen në vendet e tyre!
“Në mos e bëni dot këtë të paktën mos inkurajoni me deklarimet tuaja publike rikthimin e diktaturës në vendin tonë. Nuk mendojmë se besoni vërtetë që Sigurimi i Shtetit mund të garantojë demokracinë e të vendos drejtësinë në vendin tonë, thekson Shoqata Antikomuniste e të Përndjekurve Politikë të Shqipërisë duke përfunduar”
“Ju lutemi këtë mos na e thoni me këtë, as me fjalë, as me qëndrime e veprime!”
Deklaratë
Shoqata Antikomuniste e të Përndjekurve Politikë të Shqipërisë ndjehet e fyer dhe e indinjuar nga rikthimi i persekutorëve të diktuarës komuniste në krye të drejtësisë shqiptare. Dje me zgjedhjen në krye të SPAK të prokurorit Arben Kraja, një ish-hetues i Sigurimit të Shtetit në Shkodër, 1987-1992, është konsumuar akti më i fundit i rikthimit në krye të drejtësisë së persekutorëve politikë të diktuarës komuniste në Shqipëri.
Emërimi i Krajës në krye të Prokurorisë Specialë, SPAK, shihet nga ne jo vetëm si një akt i rehabilitimit të institucioneve dhe njerëzve që kanë kryer krime politike të rënda (krime kundër njerëzimit dhe gjenocid) por edhe një rrezik real për rikthimin në institucionet e drejtësisë të metodave e praktikave kriminale të diktaturës komuniste.
Kraja nuk është i vetmi pjesëtarë i organeve të dhunës së diktuarës komuniste i ricikluar në krye të drejtësisë dhe shtetit shqiptar. Ata janë tashmë në krye të shumicës se institucioneve të shtetit shqiptar nga maja deri në bazë.
Kuvendi i Shqipërisë drejtohet nga ministri i fundit i brendshëm i diktuarës komuniste , bashkëpunëtor dhe drejtues i Sigurimit te Shtetit , autor i krimeve kundër njerëzimit dhe gjenocid . Rasti Ruçi është i veçantë në të gjithë botën demokratike pasi është i vetmi drejtues i nivelit te lartë ( nr 2 i shtetit ) fotoja ete cilit është e vendosur si autore i krimeve kundër njerëzimit dhe gjenocid ne muzeun e krimeve te komunizmit te shtetit qe ai drejton . Disa anëtare te tjerë te Kuvendit te Shqipërisë si Spartak Braho , Fastmir Xhafa kane qene pjese e sigurimit te shtetit ndërkohe qe shume te tjerë kane qen bashkëpunëtor te tij
Këshilli i Emërimeve ne Drejtësi (KED) drejtohet Ardian Dvorani nga një prokuror komunist qe ka dhëne dënime te renda politike për kundërshtarët e regjimit komunist si prokuror i diktaturës ne Shkodër përfshi edhe ata qe rrezuan bustin e Stalinit ne 1990.
Këshilli i Larte Gjyqësor (KLGJ) ka anëtare Fatmira Luli, gjyqtare në kohën e diktaturës ka dënuar qytetarë pse morën pjesë me rrëzimin e bustit të Enver Hoxhës më 20 shkurt 1991 apo për hyrjen në ambasada.
Këshilli i Emërimeve ne Prokurori (KLP)ka dy anëtarë te tij persekutore politike te diktuarës.
Bujar Sheshi ish hetues i Sigurimit te Shtetit autore shume arrestimeve torturime dhe dënimeve politike si hetues ne Rrethin e Fierit , sipas AIDSSH edhe bashkëpunëtor i Sigurimit.
Nurihan Seiti gjyqtare e diktaturës komuniste ka dënuar disa persona me akuzat e agjitacion propagandë dhe arratisje nga kufiri .
Me dhjetëra te tjerë janë sot gjyqtarë e prokurore ne te gjitha nivelet e sistemit te drejtësisë
Ndërkohë qe institucionet e tjera te Sigurisë Kombëtare e Publike kane ne krye dhe përbërjen e tyre qindra oficere e bashkëpunëtorë te Sigurimit të Shtetit.
Ne te përndjekurit politike antikomuniste te Shqipërisë kemi protestuar ne mënyre te vazhdueshme nga kjo kapje e shtetit nga ish sigurimi i shtetit qe nuk lidhet vetëm me dënimin dhe ndëshkimin e te kaluar kriminale komuniste te vendit por është një rrezik real për te tashmen dhe te ardhmen e demokracisë dhe shtetit te se drejtës .
Për ne ka qene i pritshëm ky revansh i rikthimit te Sigurimit ne krye te shtetit nga shumica politike ish komuniste e Edi Ramës . Mirëpo vërejmë me keqardhje qe edhe reagimi i opozitës ndaj këtij fenomeni ka qene i vaket e shpesh here inekzistent .
Me keqardhje vërejmë gjithashtu mos reagimin e partnereve e institucioneve ndërkombëtarë ndaj riciklimit ne pushtet te persekutorëve komunistë ndërkohë që ne te shumtën e herës qëndrimet publike te tyre kane qene fatkeqësisht mbështetëse për ta.
Ne ketë situatë ne i bëjmë thirrje opinionit publik kombëtar e ndërkombëtar , opozitës , medias , shoqërisë civile te mos hesht por te ngrejë zërin ndaj këtij fenomeni të rikthimit ne krye te shtetit te njerëzve te diktuarës komuniste , sa nuk është vone .
Ne te përndjekurit politike antikomuniste kemi mbështetur idenë, kontributin dhe përpjekjet për Reformën në Drejtësi të institucioneve e partnereve ndërkombëtar por kthimi i kësaj reformë ne një revansh te rikthimit të persekutorëve komuniste ne krye te drejtësisë është i pa pranueshëm për ne dhe fyes për qindra mijëra viktima të tyre .
Ne kërkojmë nga institucionet dhe përfaqësitë diplomatike perëndimorë te ndalin mbështetjen për riciklimit te autorëve te krimeve kundër njerëzimit dhe gjenocidit në pushtet qoftë kjo edhe në emër te Reformës ne Drejtësi. Kërkojmë nga SHBA , BE , OSBE etje te aplikojnë ne qëndrimet e tyre ndaj autoreve te krimeve te komunizmit ( krime kundër njerëzimit dhe gjenocid ) në Shqipëri të njëjtat standarde ligjore, politike e morale qe aplikohen ne vendet e tyre ! Në mos e bëni dot ketë te paktën mos inkurajoni me deklarimet tuja publike rikthimin e diktaturës ne vendin tonë. Nuk mendojmë se besoni vërtet që Sigurimi i Shtetit mund të garantojë demokracinë e të vendos drejtësinë në vendin tone . Ju lutemi këtë mos na e thoni me ketë, as me fjale ,as me qëndrime e veprime !
Kryetari Nebil Çika
