“Krizën do ta përballojmë bashkë”, Dr.Kalo politikanëve: Po fitimet tuaja të PPP-ve, KÇK-ve, tenderave a do t’i ndani me ne?!

Në këto ditë të vështira me COVID-19 që po kalojnë të infektuarit, familjarërt e tyre dhe personeli mjekësor i Spitalit Infektiv, shpesh është dëgjuar të thuhet nga politikanë të ndryshëm se “krizën do ta përballojmë bashkë”! I irrituar nga ky refren, mjeku i njohur infeksionist, Tritan Kalo, iu kërkon politikanëve të ndajnë dhe fitimet e tyre nga PPP-të, KÇK-të, tenderat dhe privatizimet klienteliste.

“A do t’i ndani vallë ato me ne??!! Apo lopa do të vijoj të mbetemi NE taksapaguesit, “il poppolo Albanese”, ndërsa qumështi do vijoj të milet e të shijohet vetëm nga JU….NO WAY!”

Sa mirë na zhytët në qorrsokaket e demon-kracisë “Made in Albania” me yshtjen tuaj “Bashkëfajtorë, Bashkëvuajtës”, thekson Dr.Tritan Kalo pjesë e ekipit të Spitalit Infektiv që po përballet me pandeminë, duke përfunduar :

“Ju së pari të zbrazni xhepat tuaja si dhe të lironi vilat e shumta që Ju keni, e vetëm pas kësaj kërkoni të na merrni edhe qindarkat e fundit nga xhepat tanë plot vrima! Hapini sytë e mendjes ju Bashkëkombës. Quoa vadis Shqipëria ime!