Kryeministri britanik kthehet në punë

Kryeministri i Britanisë së Madhe, Boris Johnson, u kthye sot në punë, një muaj pasi u diagnostikua me koronavirus dhe u shtrua në njësinë e kujdesit intenziv në një spital në Londër.

Kthimi i tij vjen në kohën kur janë shtuar kritikat ndaj qeverisë për mungesë të testimeve dhe mjeteve mbrojtëse për punëtorët e Shërbimit Shëndetësor.

Ministrat e qeverisë britanike janë nën presion edhe për përgatitjen e një plani të zbutjes së masave të izolimit.

Kryeministri britanik, Boris Johnson, pritet që këtë javë të nxjerrë Planin për lehtësimin e masave të marra për të parandaluar përhapjen e koronavirusit.

Ndryshe, Ministri i Jashtëm, Dominic Raab, për një zëvendësoi kryeministrin Johnson.

Sipas të dhënave të Universitetit John Hopkins, në Mbretërinë e Bashkuar janë të konfirmuar 154.037 raste të të infektuarve me koronavirusin, raporton RFE ku mbi 20 mijë pacientë kanë vdekur nga COVID-19.