Kryeministrin e parë të Maqedonisë së Veriut nuk e zhvlerësojnë dot batonët!
“…na bon batare u plaqin sytë
po i mledh Serbtë po i shkron Çetnikë…”
Ishte kjo skena ku ndërsa po pritej betimi i Kryeministrit të parë shqiptarë të Maqedonisë së Veriut, batonë e buzhalë kishin nxituar për ta zhvlerësuar këtë akt historik, duke dëshmuar me prezencën e tyre se “Ne jemi aty”, Kryetari i BDI, Ali Ahmeti, i pashqetësuar po shijonte këngën e “Ahmet Delisë” kënduar nga i madhi Dervish Shaqa!
Kjo skenë, ishte përsëritur shumë vite më parë, më 2001 kur Ali Ahmeti në krye me UÇK-në filloi luftën kundër maqedonëve dhe nga batonët dhe Tirana zyrtare u quajtën terroristë që duan ta shkatërrojnë shtetin maqedonë!
Pak vite pas përfundimit të luftës u çuan batonët të mbrojnë tezën e Arbër Xhaferit se kishte ardhur koha e ndarjes së Maqedonisë, për të cilën VMRO-DPMNE probullgare në atë kohë ishte gati, por, Ali Ahmeti sërish i pashqetësuar ishte i prerë: Maqedonia është atdheu i shqiptarëve
Në këtë “atdhe”, shqiptarët siguruan njërin ndër postet më të larta kushtetuese, Kryetarit të Parlamentit, ndërsa shteti vazhdoi me ulje ngritjet e tensioneve ndëretnike drejt integrimit në Bashkimin Evropian!
Asgjë më mirë nuk ishte ndër shqiptarë ku batonën po shkelnin pa mëshirë që sa vjet në përpjekje për të caktuar dhe dishepullin e Arbën Xhaferit, që, sipas tyre, do t’i drejtonte shqiptarët në këto troje!
Ndërkohë u liberalizuan vizat nga BE për qytetarët e këtij vendi, që Ali Ahmet nuk zbrapsej por e konsideronte, atdhe të shqiptarëve!
Maqedonia ndryshoi dhe emërin, u anëtarësua në NATO, dhe aty ishte faktori shqiptar ndër më të rëndësishmit për ta gëzuar ombrellën e sigurisë së Aleancës më të fuqishme ushtarako-politike në botë
Erdhi dhe momenti i Kryeministrit të parë shqiptarë në Maqedoninë e Veriut! Jo pandehur u shfaqën batonët duke lënë shije të keqe si në rastin e Kryeministrit të parë shqiptar në Mal të Zi!
Dritan Abazoviç u tretë në historinë e Kishës Ortodokse të Serbisë të cilës i shërbeu në krye të qeverisë malazeze, por jo dhe të drejtave të shqiptarëve në këtë shtet që vetëm me doza humori e morën Dritanin, i cili nën kthetrat e batonëve dhe Presidentit të Serbisë, Aleksandar Vuçiç, nuk kishte se si të vepronte ndryshe, pasi e pranoi këtë post i cili në Mal të Zi vetëm i shqiptarëve nuk mund të jetë!
Ndryshe nga Maqedonia e Veriut ku politikën shqiptare e kryeson njeriu i dal nga komunikimi me sllavët përmes frengjive, Ali Ahmeti, dhe batonët kanë shumë vështirësi ta shtrijnë ndikimin e tyre!
Pse ishin me Ali Ahmetin para betimit të Kryeministrit të parë shqiptar të Maqedonisë së Veriut dhe video e këtij takimi përfundoi në rrjetet sociale sot ka shumë pikëpyetje por dhe shumë arsye!
Batonët mund të ngatërrohen në politikën shqiptare të Maqedonisë së Veriut për të dëshmuar ekskluzivitetin mbi shqiptarët me emisionin e tyre proserb “Opinion” në TV Klan, duke u munduar të japin mesazhin edhe me prezencën e tyre para votimit të Kryeministrit të parë shqiptar të Maqedonisë Veriut, siç bënë me Dritan Abazoviçin e shkretë, i cili ishte konfuz edhe nëse duhet të mburret që është shqiptar!
Batonët mund të ngatërrohen në politikën shqiptare të Maqedonisë së Veriut edhe për të denigruar vendimin e pakuptueshëm të Albin Kurtit me Lëvizjen Vetëvendosje që të mbështesin opozitën shqiptare në zgjedhjet e majit, duke i bërë me dije shqiptarëve se edhe ata si kundërshtar besnik të Kurtit do ta luftojnë këtë opozitë në Maqedoni të Veriut!
Batonët mund të angazhohen për ti dhënë mesazh të qartë partisë maqedone të zemrës që kanë, LSDM, jo vetëm për shkak të afirmitetit me Serbinë; Por, harruan një detaj shumë të rëndësishëm:
Kryetar i BDI është Ali Ahmeti, por, edhe Abazi!
Ai i cili nuk e tha kot në vitin 2003 se Maqedonia është atdheu i shqiptarëve!
Ai i cili me shijen e batonëve mund ta zgjedhte edhe Artan Grupin për Kryeministër, por, sot është e qartë pse u përzgjodhë Talat Xhaferi, i cili do të jetë Kryeministër 100 ditë e hiç më pak!
Ai i cili duke kënduar këngën e “Ahmet Delisë” i jepte mesazh Batonit dhe bandës së tij që po shtypte BDI-në që sa vjet, jo vetëm çfarë po ndodhë me shqiptarët në Maqedoninë e Veriut, por, për t’iu bërë të qartë, ashtu siç thotë edhe kënga, se do ti lënë të gjallë e për gazep!
Pse?! Ashtu siç i la Ahmet Delia në rrëfimin e famshëm që përshkruante Dervish Shaqa, dhe jo qysh raportonte Portali i Baton Haxhisë me “Keqë Hysenin” e Qamilit Vogël:
“T’ju kallzon kralive serb,
le ta dinë shiptarët kanë rahmet.”
