Kryetari i Parlamentit të Serbisë shpall zgjedhjet presidenciale më 3 Prill

Kryetari i Parlamentit të Serbisë, Ivica Daçiç, shpalli sot zgjedhjet presidenciale.

Kështu, sipas Vendimit të firmosur sot nga Kryetari i Parlamentit të Serbisë, zgjedhjet presidenciale do të mbahen më 3 Prill, ditën kur do të mbahen edhe zgjedhjet parlamentare dhe ato lokale.

Ivica Daçiç tha se këto janë zgjedhje të rregullta për Presidentin e Republikës së Serbisë dhe 12 Marsi është afati i fundit për dorëzimin e listave për zgjedhjet parlamentare dhe kandidatëve për zgjedhjet presidenciale.

Ndryshe, sipas Kushtetutës së Serbisë, zgjedhjet presidenciale shpallen 90 ditë para skadimit të mandatit të Presidentit të Republikës.