Kush e do të vdekur Presidentin Donald Trump?!

“Fjalimi të cilin kam menduar ta mbajë të enjten ishte impresiv. Ishte brutal. Mendoj se do të ishte shumë keq sikur ta mbajë atë fjalim pas gjithë asaj që ndodhi, duke duke thënë se të gjithë janë të tmerrshëm, të këqinj. Tani kam fjalimin që bashkon,” është shprehur Presidenti Donald Trump për The Washington Examiner, në intervistën e tij të parë pas atentatit në Pennsylvani mbrëmjen e së shtunës, ku u tha se sulmuesi 20 vjeçar Thomas Matthew Crooks ka qëlluar në Trumpin ku vra një pjesëmarrës i tubimit para se ta vriste shërbimi sekret amerikan.

“Sikur kjo të mos ndodhte, ky do të ishte njëri ndër fjalimet më të pabesueshme, por tani do të jetë një fjalim krejt ndryshe,” tha Presidenti Trump.

“Ky është rasti që ta bashkoj gjithë vendin, madje gjithë botën. Fjalimi do jetë krejtësisht ndryshe, shumë më ndryshe se sa ishte para dy ditësh,” tha Presidenti Trump duke sqaruar për Examiner se si fisheku e godit ndërsa e ktheu kokën djathtas që të shikoj videon që u lëshua në ekran.

“Gati kurrë nuk lëvizi kokën nga publiku kur jam në miting. Rrallë shikoj jashtë turmës dhe kjo ishte lëvizja që më shpëtoi jetën. Sikur mos ta bëja në këtë moment, sot, nuk do të bisedonim, apo jo,” tha Presidenti Donald Trump në një intervistë me Salen Zito për The Washington Examiner.

Nga ana tjetër, rivali i tij dhe Presidenti në detyrë, Joe Biden, që sondazhet edhe me hatër ndaj demokratëve, para atentatit ndaj Donald Trump e nxerrnin të humbur, bëri i thirrje për reflektim edhe pse ustallarët e kësaj situate ishin kujdesur t’ja veshnin gëzofin e nxitësit për dhunë ndaj republikanëve:

“Thirrje ndaj të gjithëve ne, që të reflektojmë. Fatmirësisht Presidenti Trump nuk u lëndua rëndë. Nuk ka vend në Amerikë për këtë lloj dhune – për asnjë lloj dhune,” tha Joe Biden për të cilin u bënë insinuata pa lidhje se mund të jetë dhe porositësi i atentatit!

Të gjitha deklaratat zyrtare nga momenti i atentatit, iu shmangën me shumë mjeshtëri faktorit real se kush e do vërtetë vdekjen e Presidentit Donald Trump që shumë ditë më parë fitoren e kishte të sigurtë, dhe tashmë e ka edhe të vulosur!

Një njeri si Joe Biden që ngatërron Volodymyr Zelenskyyn nga Vladimir Putin, nuk mund ta ideoj një atentat ndaj rivalit Donald Trump sepse u pa në Samitin e NATO-s në Washington ku edhe Zëvendësen e tij Kamala Harris e ngatërroi me Donald Trump!

FBI që korruptohet edhe nga një Kryeministër i një vendi të vogël si Edi Rama, nuk mund të marrë guximin që të përfshihet në një komplot të vrasjes së një kandidati potencial për president, sepse niveli i besimit ndaj kësaj Agjencie është për toke, dhe maksimumi që mund të bëjë ishte, dhe ashtu doli, mbyllja e syrit kur atentatori vërdalloset edhe para një tribune ku ishte parashikuar të fliste Donlad Trump!

Këtu përjashtohen edhe shtetet armike të Amerikës kur dihet se Donald Trump gjatë katër vjet të drejtimit të Shteteve të Bashkuara nuk bëri asnjë luftë, madje shmangu edhe goditjen e Iranit!

Dhe, këtu zbulohet dhe makineria e vetme vrasëse që mund të cenoj jetën e Donald Trumpit që guxoi të kandidoj, si President, prodhuesit e armëve dhe armatimit që shohin fundin e të ardhurave tek njëri ndër premtimet kryesore të Trumpit, ndalimi i luft në Ukrainë për një muaj!

Këtu, nuk mund të përjashtohet kontributi i kriminelit Alex Soros që me nuhatjen e humbjes së pushtetit nuk e ka për gjë të dal në krah të industrialistëve që vetëm në Ukrainë arritën për dy vjet të marrin dhe 500 miliardë dollarë!

Broçkullat për 20 vjeçarin Thomas Matthew Crooks të vetmuar do të vazhdojnë ashtu siç do të vazhdojnë gafat e Presidentit Joe Biden i cili pas Edi Ramës është i vetmi lider në botë që nuk ka program se si do ta shpëtoi vendin në krizën ku e ka futur, por, programi i vetëm mbetet denigrimi i rivalit!

Pas atentatit ndaj Presidentit Donald Trump, “fashist, autokrat” kuptohet se cili kandidat për president është në SHBA pavarësisht se doli nga goja e Joe Biden dhe makinës së tij propagandastike, ashtu siç u kuptua në Shqipëri, pas shpalosjes nga Edi Rama të programit të qeverisjes “Fajet i ka Saliu!”

Disa analfabetë politikë nxituan ta kundërshtojnë krahasimin duke thënë se nuk ka vend për parlalelizëm!

Vërtetë nuk ka, sepse është e njejta dorë që lëviz kokën e atij kryeamerikani që nuk njeh njeri, dhe kokën e kryehajvanit shqiptar që njeh vetëm Saliun: SOROS!