Kuvendi i 11 Dhjetorit, Gledis Nano: Masat, të bazuara në informacionet e inteligjencës

Drejtori i Përgjithshëm i Policisë së Shtetit, Gledis Nano, tha sot se masat e policisë për Kuvendin Kombëtar të PD më 11 Dhjetor do të jenë në raport me informacionet e marra nga institucionet ligjzbatuese dhe ato të inteligjencës.

“Për ditën e nesërme, Policia është gjithmonë në gatishmëri. Policia është e fokusuar gjithmonë për ruajtjen e rendit dhe qetësisë publike, për të krijuar një ambient sa më të sigurt për të gjithë qytetarët. Policia ka qenë e drejtuar me qasje drejt informacionit dhe inteligjencës, “tha Drejtori i Përgjithshëm i Policisë së Shtetit, Gledis Nano, duke përfunduar:

“Bazuar në informacionet që do të kemi nga Policia e Shtetit, gjithashtu dhe nga institucionet të tjera ligjzbatuese dhe të inteligjencës do të merren masa.”