Largohet nga detyra nënkryetari i Bashkisë së Tiranës…

Largohet nga detyra një prej nënkryetarëve të Bashkisë së Tiranës. Mësohet se Abaz Hado, përfaqësues i PDIU-së në bashkinë më të madhe në vend, është larguar sot, ndërsa nuk dihen ende shkaqet.

Hado u emërua në pozicionin e nënkryetarit të Bashkisë referuar një marrëveshjeje mes PS dhe PDIU në zgjedhjet e 2015, ku partia e drejtuar nga Shpëtim Idrizi, në atë kohë pjesë e koalicionit qeveritar, mbështeste kandidatët e PS për kryetarë të bashkive, mes tyre edhe Erion Veliajn.

Largimi i Hados nga detyra është bërë me kërkesë të kreut të PDIU-së, Shpëtim Idrizi.

Në vend të tij, është caktuar një tjetër anëtare e PDIU-së, Kozeta Mesiti, që ka mbajtur më herët postim e ish-drejtoreshës së Metrologjisë.