Lezhë, Iku viti i Skenderbeut, erdhi IKMT e Edi Ramës
Iku viti i Skenderbeut, por në Shqipërinë me 800.000 ndërtime pa leje, IKMT e Edi Ramës identifikon “ndërtimin e kobshëm pa leje”, bazamentin për vendosjen e bustit të Heroit tonë kombëtar, Gjergj Kastrioti Skenderbeu, të cilin sot Bashkia Lezhë kishte planifikuar që ta vendos.
Ky veprim nuk u lejua nga Ministria e Kulturës, e cila në reagimin e saj tha se Bashkia kishte mangësi në dokumentacionin e dorëzuar.
Dhe, menjëherë sapo filloi vendosja e bazamentit, ka ndërhyrë IKMT duke e prishur me urdhër të Ministrisë së Kulturës.
Menjëherë pas këtij veprimi, Bashkia Lezhë reagoi duke e quajt veprim të papranueshëm.
Por Ministria e Kulturës që si shef ka Edi Ramën, reagoi duke theksuar se vendosja e shtatores të Heroit tonë Kombëtar Gjergj Kastrioti Skënderbeut në sheshin “Gjergj Fishta”, Lezhë, parashikohet të shqyrtohet në mbledhjen e radhës të Këshillit Kombëtar të Restaurimit dhe Këshillit Kombëtar të Arkeologjisë.
skenderbeu on Vidnews.
Sidoqoftë “IKMT që Duam” përdhosi atë që Edi Rama e kishte kursyer për pesë vjet qeverisje, Heroin tonë kombëtar, Gjergj Kastrioti Skenderbeu, të cilin kryeministri, në vitin e tij që e kishte shpallur, e kujtoi me disa kumtesa idiote, kur për fat të keq nuk funksiononte as IKMT dhe as Lamçe për ti rrënuar!
