Ligji për Prefektin/ Balla: Ti ke fjetur me Lulin! Bardhi: Mos u merr me mua se…
Mirazhi nga ashensori i del kudo dhe duke e ndjerë mungesën e tij në zgjidhjen e hallit të votave për miratimin e ligjeve, ministri e Brendshëm, Taulant Balla, e kërkon Lulzim Bashën si foshnja që kërkon sisën!
Kur Kryetari i Grupit Parlamentar të PD Gazment Bardhi, i tha qartë në Komisionin e Ligjeve se Partia Demokratike do të votojë kundër projektligjit për disa shtesa në Ligjin për Prefektin, Balla iu kthye me ofendime.
“Propozimet që kanë ardhur në ligj janë të panevojshme dhe do të marrin votën kundër. Sepse nuk sjell asnjë përmirësim as të rolit të Prefektit dhe kontributit të tij. E gjitha është qe keni propozuar një ligj që të vini këtu të na flisni një orë dhe të na flisni për gjëra që nuk kanë lidhje me projektligjin.
Se sa mirë e kanë bërë punën emergjencat civile, qytetarët e kanë parë. Sa kohë nuk ka asnjë përmirësim apo rol të shtuar të prefektit, pa diskutim vota do të jetë kundër,” tha Gazment Bardhi në Komisionin për Çështjet Ligjore, Administratën Publike dhe të Drejtat e Njeriut ndërsa debati degradoi lidhur me shpërthimin e zjarrit në një Qendër Tregtare në Lushnje ku ministri i Brendshëm pretendoi se ishte aty deri në fikjen e tij, por me ndërhyrjen e deputetit demokrat se zjarri ishte rindez sapo ai kishte ikur, Taulant Balla kaloi në fyerje:
“Ti fle gjumë herët se të ka ngelur nga Luli kjo. Ti ke fjetur me Lulin dhe flini herët. Ta mbaroj, ti gënjen!”
Debati
Bardhi: Vota jonë do të jetë kundër. Mund ta merrni ju fjalën të vazhdoni videoklipin mqs e kemi që japim fjalën njëri-tjetrit
Balla: Nuk kam dyshim që votoni kundër pa ditur se çfarë votoni sepse kam shumë vite në Kuvend. Ndjej keqardhje sepse nëse do t’i zbardhte dikush ndërhyrjet që erdhën nga deputetët e opozitës. Ju ndërhyra gjë kur folët?Ke një huq të keq që duhet ta ndryshosh. Iu referuat rastit të një zjarri në një qendër tregtare në Lushnjë, ndërsa ju bëni komente nga divani unë dhe kolegu kemi qenë aty dhe padyshim që mund të them që është një prej rasteve më të mira
Bardhi: U fik zjarri dhe sa ike ti u rindez zjarri.
Balla: Ti fle gjumë herët se të ka ngelur nga Luli kjo. Ti ke fjetur me Lulin dhe flini herët. Ta mbaroj, ti gënjen!
Bardhi: Po pse?
Balla: Unë kam qenë aty deri në 4 të mëngjesit. (Bardhi ndërhyn) Edukata është si këmisha e bardhë që shkon me çdo veshje, dhe mbaj në përgjithësi këmishë të bardhë.
Bardhi: Falë pjesëmarrjes tënde atje zjarri u shua
Balla: O zot sa… Kjo është e rëndë që t’i mund të jesh kryetar grupi parlamentar minimalisht, po ta mbaroj. Çfarë e ke këtë histori paedukate deri në këtë lloj niveli
Bardhi: Mos u merr me mua, që të mos merrem unë me…
Balla: Po mos ndërhy o zotëri
