Ligji për Teatrin, Rama e miraton me 75 vota pro

Kuvendi miratoi me 75 vota pro ligjin për Tetarin, duke i hapur kështu rrugën projektin për shembjen e godinës aktuale të Teatrit Kombëtar dhe ndërtimit të një godine të re, bashkë me kullat.

Pas më shumë se 10 orësh diskutimesh dhe debatesh, Kryeministri Edi Rama i ka shkuar deri në fund projektit për shembjen e godinës, edhe pse disa herë iu kërkua tërheqja nga nisma.

Pas miratimit të draftit, deputetët e opozitës janë ngritur në foltoren e Kuvendit, ndërkohë që qindra qytetarë në mbështetje të artistëve dhe aktorëve, vijojnë protestën jashtë Kuvendit.

Tashmë i mbetet Presidentit të Republikës të bllokojë ligjin në fjalë për t´u zbatuar. Kreu i Shtetit ka një afat 20 ditor për tu shprehur në lidhje me ligjin, çka do të thotë se nëse merr të gjithë kohën që ka në dispozicion, të paktën deri në shtator, kur nis sesioni i ri parlamentar, ligji nuk mund të zbatohet.