Majko nuk voton ligjin për Teatrin, debatoi me Ramën para votimit…
Pandeli Majko, ministër i Shtetit për Diasporën, nuk ka qenë i pranishëm në votimin për ligjin e Teatrit.
Majko ka qenë i vetëmi ndër deputetët e PS-së që duket se ka dëgjuar thirrjet e artistëve, aktorëve dhe apelin e opozitës, për të mos u bërë pjesë në miratimin e një ligji që është cilësuar si shkatërrimtar.
Në fakt, Majko gjatë kohës që ka qenë Kryeministër ka bllokuar inisiativën e Edi Ramës për të shembur godinën e Teatrit Kombëtar, rreth 20 vjet më parë, në kohën që drejtonte Ministrinë e Kulturës.
Sot u raportua se mes Majkos dhe Ramës ka pasur një debat të fortë pak përpara votimit, sikundër është pohuar se Kryeministri i ka thënë ministrit të Diasporës që nëse kishte ndërmend të votonte kundër, të largohej nga salla.
