Lista e Europol/ Ja kush janë shqiptarët më të kërkuar në Evropë…

Europol ka publikuar listën me 54 kriminelët më të kërkuar në Evropë.

Pjesë e “Europe’s Most Wanted Fugitives” është 50-vjeçari shqiptar Gani Burreli. Ai kërkohet nga autoritetet e Qipros, pasi dyshohet si i përfshirë në vrasjen e trefishtë të ndodhur më 23 Qershor të 2016-s.

Burreli akuzohet së bashku me një bashkëpunëtor u fut në një restorant në Ayia Napa dhe hapi zjarr. Të maskuar dhe të armatosur me pistoleta e armë automatike, ata hapën zjarr dhe vranë një biznesmen, një oficer policie dhe bashkëshorten e tij.

Në kohën e krimit, në restorant ndodheshin edhe fëmijët e mitur të policit. Nga ngjarja mbeti i plagosur rëndë një tjetër polic, megjithatë ai arriti të vriste bashkëpunëtorin.

Gani Burreli është i 12-ti në listën e Europol.

Shqiptari tjetër që gjendët në listë është dhe Shqipron Hoxhaj. Ai akuzohet nga Gjykata e Qarkut në Koper, Slloveni, për prodhim dhe tregti të paligjshme të substancave narkotik, substancave ilegale në sport dhe prodhimit të drogave.

Në dy urdhër-arrestet ndërkombëtare theksohet se i dyshuari mund të jetë i dhunshëm dhe i armatosur.

Shqipron Hoxhaj renditet i 44-ti në “Europe’s Most Wanted Fugitives”.