Lojërat Mesdhetare “Oran 2022”/ Laura Fazliu e artë, Akil Gjakova i bronztë

Laura Fazliu i ka sjellë një tjetër medalje të artë Kosovës në Lojërat Mesdhetare “Oran 2022” ndërsa Akil Gjakova ka arritur të kurorëzohet me medaljen e bronztë.

Xhudistja Laura Fazliu në finale me Wazz-ari e ka mposhtur spanjollen Perez Cabana, për ta ngritur kështu Kosovën edhe njëherë në piedestal.

Xhudisti 26-vjeçar, Akil Gjakova, në kategorinë deri 73 kilogramë, ishte bartës i parë në këtë kategori, por pësoi humbje në gjysmëfinale ndaj algjerianit, Messaoud Redouane Dris në kohën shtesë. Kësisoj, ai u detyrua që të luftojë për medaljen e bronztë, e ku fitoi ndaj italianit Manuel Lombardo.

Ndryshe, dje në Lojërat Mesdhetare “Oran 2022” xhudistja Distria Krasniqi e fitoi të artën e Flaka Loxha medaljen e bronztë.