“Lotët e Gjonajt dhe Lleshajt”/ Reagimi, PD: Me kë komunikon nga burgu Dritan Dajti?
Reagimin e vonuar të Qeverisë shqiptare, pasi Gjykata e Apelit të Krimeve të Rënda rrëzoi vendimin me burgim të përjetshëm për vrasësin e 4 policëve, Dritan Dajti, dhe pranoi kërkesën për gjykim të shkurtuar duke ulur dënimin kështu në 25 vjet, Partia Demokratike e konsideron pjesë e teatrit kriminal të kukullave të Edi Ramës në Ministrinë e Brendshme dhe në Ministrinë e Drejtësisë me aktor Dritan Dajtin dhe regjisor Edi Ramën.
“Lotët e krokodilit nuk e ndryshojnë dot faktin se vrasësi i 4 Dëshmorëve të Atdheut, Dritan Dajti, është praktikisht i liruar nga drejtësia e re e Edi Ramës. Shqiptarët mund të gënjehen njëherë, por jo përgjithmonë! Në vend që t’u besojnë kërcënimeve qesharake të eunukut të Ramës në Ministrinë e Brendshme, shqiptarët e dinë se karrigia e Edi Ramës është blerë nga votat e krimit të organizuar, i cili, fatkeqësisht, nuk luftohet dot me lotë krokodili.”
Për të zhvlerësuar reagimin e Ministres së Drejtësisë dhe atij të Brendshëm, Partia Deokratike sjellë tri fakte:
1.Edi Rama kishte nën kontroll Gjykata e Lartë, kur ajo zhvlerësoi dënimin me burgim të përjetshëm për Dritan Dajtin dhe i hapi rrugë vendimit skandaloz që siguron lirinë e shpejtë të një prej kriminelëve më të tmerrshëm.
2.Edi Rama, njeriu që përgojon gjithë Tiranën, heshti kur Gjykata e Lartë ndihmoi Dritan Dajtin, heshti edhe 3 ditë më parë, pas vendimit skandaloz për Dritan Dajtin.
3.Në qeverisjen e Edi Ramës të gjithë bandat dhe kriminelët më të rrezikshëm janë lënë të lirë, që nga Hakmarrja për Drejtësi, Banda e Durrësit tek Banda e Lushnjës dhe trafikantët ndërkombëtarë të kokainës në Xibrakë.
Dhe jo vetëm kaq! Partia Demokratike thekson se Ministrja e Drejtësisë duhet t’i kërkojë prokurorisë që të zbardhë përgjimet nga burgu të Dritan Dajtit dhe t’u thotë shqiptarëve:
-Me kë komunikon nga burgu Dritan Dajti?
-Kë shantazhon nga burgu vrasësi i 4 policëve në krye të detyrës?
-Kush i ka dalë Dritan Dajtit garant për lirimin e tij të shpejtë?
Deklarata e plotë
3 ditë me vonesë, të shtrënguar nga presioni ndërkombëtar dhe revolta e opinionit publik, kukullat e Edi Ramës në Ministrinë e Brendshme dhe në Ministrinë e Drejtësisë u bënë pjesë e teatrit kriminal me aktor Dritan Dajtin dhe regjisor Edi Ramën. Lotët e krokodilit nuk e ndryshojnë dot faktin se vrasësi i 4 Dëshmorëve të Atdheut, Dritan Dajti, është praktikisht i liruar nga drejtësia e re e Edi Ramës.
Shqiptarët mund të
gënjehen njëherë, por jo përgjithmonë!
Në vend që t’u besojnë kërcënimeve qesharake të eunukut të Ramës në Ministrinë
e Brendshme, shqiptarët e dinë se karrigia e Edi Ramës është blerë nga votat e
krimit të organizuar, i cili, fatkeqësisht, nuk luftohet dot me lotë krokodili.
Faktet janë kokëfortë:
1.Edi Rama kishte nën kontroll Gjykata e Lartë, kur ajo zhvlerësoi dënimin me burgim të përjetshëm për Dritan Dajtin dhe i hapi rrugë vendimit skandaloz që siguron lirinë e shpejtë të një prej kriminelëve më të tmerrshëm.
2.Edi Rama, njeriu që përgojon gjithë Tiranën, heshti kur Gjykata e Lartë ndihmoi Dritan Dajtin, heshti edhe 3 ditë më parë, pas vendimit skandaloz për Dritan Dajtin.
3.Në qeverisjen e Edi Ramës të gjithë bandat dhe kriminelët më të rrezikshëm janë lënë të lirë, që nga Hakmarrja për Drejtësi, Banda e Durrësit tek Banda e Lushnjës dhe trafikantët ndërkombëtarë të kokainës në Xibrakë.
Në vend të lotëve të krokodilit për një vendim të dirigjuar nga Edi Rama, Ministrja e Drejtësisë duhet t’i kërkojë prokurorisë që të zbardhë përgjimet nga burgu të Dritan Dajtit dhe t’u thotë shqiptarëve:
-Me kë komunikon nga burgu Dritan Dajti?
-Kë shantazhon nga burgu vrasësi i 4 policëve në krye të detyrës?
-Kush i ka dalë Dritan Dajtit garant për lirimin e tij të shpejtë? Pyetjet janë konkrete dhe kërkojnë përgjigje konkrete, jo lojra fjalësh e mashtrime për shkarkime gjyqtarësh nga qeveria që ka në dorë të shkarkojë Vangjush Dakon, por vazhdon ta mbrojë atë për blerjen e votave në bashkëpunim me të ngjashmit e Dritan Dajtit.
