Mali i Zi, më së shumti turistë në Ulqin

Në ditët e fundit të shtatorit, në bregdetin e Ulqinit janë 6.580 pushues, kanë bërë të ditur organizatat turistike lokale.

Nga Organizata Turistike e Ulqinit raportohet se ky numër është më shumë se dyfishi në krahasim me të njëjtën periudhë të vitit të kaluar.

“Më së shumti pushues janë regjistruar në shtëpi private, 4.500, pastaj në hotele 1.930, dhe në kampe 151 turistë,” thekson Organizata Turistike e Ulqinit.

Edhe në Tivt është shënuar rritja e numrit të turistëve. Në këtë qytet bregdetar aktualisht janë 3.260 pushues, që është 37 % më shumë se në të njëjtën periudhë të vitit të kaluar, raporton televizioni publik i Malit të Zi, RTCG. Sipas të dhënave të Organizatës Turistike, nga ky numër 3.250 janë turistë të huaj.

“Pjesa më e madhe e pushuesve, 2.520 janë vendosur në shtëpi private. Në hotele janë 745, në pushimore 2, derisa kampingjet janë bosh,” thekson Organizata Turistike.