Maqedoni e Veriut, edhe 9 të vdekur dhe 150 të prekur me koronavirus

Ministria e Shëndetësisë e Maqedonisë së Veriut, ka njoftuar për 9 persona të vdekur dhe 150 të prekur me koronavirus në 24 orët e fundit me çka numri i viktimave ka arritur në 277.

Të dhënat i referohen testimit të 1.086 perosnave të dyshuar në qytete të ndryshme të Maqedonisë së Veriut ndërkohë duke u bazuar në të dhënat e Ministrisë së Shëndetësisë, RFE raporton se 6 viktima janë nga Tetova dhe 3 nga Shkupi. Të vdekurit kishin edhe probleme tjera shëndetesore.

Sa i përket të infektuarve, numri më i madh apo 93 raste janë nga Shkupi, që mbetet edhe qyteti me numrin më të madh të të infektuarve në Maqedoninë e Veriut.

Nga 57.895 testime të kryera, 5.906 kanë rezultuar me koronavirusin e ri, prej tyre 3.393 ende janë aktivë ndërsa 2.236 janë shëruar ndërsa 277 kanë ndërruar jetë.