“Marrëdhëniet Serbi-SHBA”, Vuçiç nderon Richard Grenellin me Urdhrin e flamurit serb të klasit parë
Presidenti i Serbisë, Aleksandar Vuçiç, ka nderuar sot ish të dërguarin e posaçëm të Presidentit të SHBA, Donald Trump, për dialogun Kosovë-Serbi, Richard Grenell, me Urdhrin e flamurit serb të klasit parë.
Në ceremoninë e ndarjes së çmimeve për nder të Ditës Shtetësisë, në motivacionin e Presidentit të Serbisë thuhet për merita të veçanta në forcimin dhe zhvillimin e bashkëpunimit paqësor dhe marrëdhënieve miqësore në mes të Serbisë dhe SHBA.
Sot, para se të fillonte kjo ceremoni, Vuçiç u pyet nga mediat nëse do të nderohet Grenell dhe Presidenti i Serbisë nuk ngurroi të thotë se ishte vendimi i tij personal, meqë sipas tij, Grenell avokoi për Serbinë.
“Një nga të paktët që u përpoq të kishte një qasje të balancuar, u përpoq të dëgjonte palën serbe, avokoi që zëri i Serbisë të dëgjohej,” tha Aleksandar Vuçiç ndërkohë i pyetur nëse Grenel ishte paguar nga Qeveria e Serbisë, ai u përgjigj në mënyrën që e karakterizon Vuçiçin:
“Nuk mendoj se po, por une nuk jam në Qeveri”.
Për nder të Ditës Shtetësisë, Presidenti i Serbisë nderoi me urdhër të lartë shtetëror individë dhe institucione, shërbimet e të cilëve i ka vlerësuar të dalluara.
Ndryshe, Richard Grenell është autor i të ashtuquajturës Marrëveshja e Washingtonit e cila për fat të Kosovës u bë nul nga administrata e presidentit të ri Joe Biden, Marrëveshje e cila fal këtij njeriu i cili premoti njohjen nga Serbia dhe e gjithë drama u shit sikur Vuçiç e refuzoi minutat e fundit, disa muaj pas humbjes së Presidentit Trump në zgjedhje, loboi për Serbinë dhe sot dekorohet nga Presidenti i saj, parashikonte ti dhuronte Serbisë koncesion në Liqenin e Gazivodës dhe Kombinatit Trepça, ndërsa Kosovës t’i varte edhe një gur serb për 100 vitet e ardhshme; Ndërsa premtimet përmes Korporatës Ndërkombëtare të Financave dhe Zhvillimit në SHBA, DFC, që nuk i besoi as firmëtari Kryeministri Avdullah Hoti, ishin dhe mbetën Përrallat e Grenellit me Autostradë të Paqes, hekurudha dhe gaz të lëngshëm natyror.
