Marrëdhëniet tregtare Kosovë-SHBA, N/Sekretarja Lago takim me Bislimin e Muratin

Marrëdhëniet tregtare SHBA-Kosovë ishin temë e takimit që Nënsekretarja e Tregtisë për Tregtinë Ndërkombëtare të SHBA-së, Marisa Lago zhvilloi me Zv/Kryeministrin e Kosovës, Besnik Bislimi dhe ministrin e Financave, Hekuran Murati, ku Nënsekretarja Logo u zotua për rritjen tregtisë dhe e angazhimin në të gjithë vendet Ballkanin Perëndimor

“Sot, nënsekretarja Lago u takua me zëvendëskryeministrin e parë të Kosovës Besnik Bislimi dhe Ministrin e Financave, Punës dhe Transfereve Hekuran Murati, për të diskutuar marrëdhëniet tregtare SHBA-Kosovë dhe zotimin e tregtisë për rritjen e angazhimit në të gjithë Ballkanin Perëndimor,” thekson ITA pas takimit përmes rrjetit social Twitter.

Administrata Ndërkombëtare e Tregtisë ka dhënë detaje në lidhje me takimin, duke specifikuar se temë e diskutimit ka qenë marrëdhëniet tregtare në mes Shteteve të Bashkuara të Amerikës dhe Kosovës.

Aktualisht, Zv/Kryeministri i Kosovës, Besnik Bislimi dhe ministri i Financave, Hekuran Murati ndodhen për vizitë zyrtare ne SHBA.